Oktyabrın 12-də Hacıqabul rayonunun Navahi qəsəbəsindəki ikimərtəbəli yataqxana binasında 5 nəfərin ölümüylə nəticələnən yanğın baş verib. Ərazidəki digər tikililər yanğından mühafizə olunsa da, sakinlər deyir ki, onların həyatına təhlükə sovuşmayıb. 8 ailənin məskunlaşdığı bu ərazidəki mənzillərin elektrik enerjisi dayandırılıb. Hadisənin üzərindən 10 gün ötsə də vətəndaşların sözlərinə görə, kimsə onlarla maraqlanmayıb.
Yayımlandı: 23 Oktyabr 2023 14:30
