Dağıstan Səhiyyə Nazirliyinin məlumatına görə, iğtişaşlar zamanı xəsarət alanlardan 10-nun vəziyyəti ağırdır
“Novaya qazeta.eu”nun materialı
Oktyabrın 29-da axşam saatlarında Mahaçqala hava limanı “İsraildən olan qaçqınları” axtaranlar tərəfindən ələ keçirilib. İnsanlar hava limanından çıxan avtomobillərin pasportlarını yoxlayaraq Təl-Əvivdən gələn təyyarəyə minməyə cəhd ediblər. 20-dən çox insan yaralanıb, hava limanı dağıdılıb. İstintaq Komitəsi kütləvi iğtişaşlara görə cinayət işi açıb.
Hava limanında baş verənlər: 60 etirazçı saxlanılıb, anbarlar dağıdılıb
Təl-Əvivdən uçan “Red Wings” aviaşirkətinin reysi Mahaçqaladakı “Uytaş” hava limanına saat 19:22-də çatıb – polisin hesablamalarına görə, bu vaxta qədər 1500-ə yaxın insan anti-semit şüarlar səsləndirərək, hava limanına hücum edib. Etirazçılar inzibati binaya soxularaq, həmin vaxt təyyarənin olduğu uçuş zolağına çıxıblar. Təyyarədə 4 İsrail vətəndaşı olmaqla 50 nəfər olub.
Etirazçılar bütün avtomobillərdə axtarış aparmağa başlayıblar. Təhlükəsizlik qüvvələrinin nümayəndələri hava limanına toplaşsalar da, heç bir tədbir görülməyib.
Saat 22:00-da etirazçılar sakitləşib və polis onları saxlamağa başlayıb. Etirazçılar gecə saatlarında Mahaçqala aeroportunu tərk edib. Dubay-Mahaçqala reysi ilə uçan və iğtişaşlar səbəbindən təyyarədə 5 saat əyləşən sərnişinlər otelə yerləşdirilib. “Mash”ın məlumatına görə, hava limanına kifayət qədər ciddi ziyan dəyib: anbarlar dağıdılıb, mağazalar talan edilib.
İnternetdə respublika sakinləri ilə təhlükəsizlik qüvvələri arasında toqquşmaların videogörüntüləri yayılıb. Onlardan birində atışma və “Allahu Əkbər” qışqırıqları eşidilir.
Polis hava limanında iğtişaşların 150 fəal iştirakçısını müəyyən edib, onlardan 60-ı saxlanılıb. Daxili İşlər Nazirliyinin Şimali Qafqaz Federal Dairəsi üzrə Baş İdarəsindən verilən məlumata görə, 9 polis əməkdaşı da yaralanıb, onlardan ikisi xəstəxanadadır.
Dağıstan Səhiyyə Nazirliyinin məlumatına görə, iğtişaşlar zamanı 20-dən çox insan xəsarət alıb, onlardan 10-u ağır yaralanıb. İki nəfərin vəziyyəti çox ağırdır.
Federal Hava Nəqliyyatı Agentliyi qərar verib ki, Mahaçqala hava limanı oktyabrın 31-nə keçən gecə açılacaq və Moskva vaxtı ilə saat 03:00-da uçuşların qəbuluna başlayacaq. Departamentdən bildirdilər ki, “hava limanının açılışı yalnız aerovağzal, aerodrom və ətraf ərazinin hüquq-mühafizə orqanları tərəfindən hərtərəfli yoxlanılmasından sonra baş verəcək”.
İstintaq Komitəsi Rusiya Federasiyası Cinayət Məcəlləsinin “kütləvi iğtişaşlar” maddəsi ilə cinayət işi açıb.
Dağıstanın rəhbəri iğtişaşlarda Ukraynadan olan “satqınlar və banderalıları” günahlandırıb
Dağıstanın rəhbəri Sergey Melikov Mahaçqala hava limanında iğtişaşlar təşkil etməkdə Ukraynadan olan “satqınlar və banderaçılar”ı ittiham edib.
Onun sözlərinə görə, 28 və 29 oktyabr tarixlərində antisemit mesajlar verməyə başlayan “Dağıstanın səhəri” kanalının “Ukrayna ərazisindən satqınlar, banderalılar tərəfindən idarə olunması ilə bağlı etibarlı məlumatlar var”.
Dövlət Dumasının keçmiş deputatı İlya Ponomaryov tərəfindən yaradılan “Dağıstanın səhəri” teleqram kanalında bir gün əvvəl Şimali Qafqaza gəldikləri iddia edilən “İsrail qaçqınları” barədə danışılıb. Ponomaryov bildirib ki, bir ildən artıqdır ki, kanalla heç bir əlaqəsi yoxdur.
