Bakı təmsilçisi Latviya klubu ilə matçda qələbə qazanıb
“Sabah” klubu iyulun 26-da UEFA Konfrans Liqasında ilk oyununu keçirib.
Rusiyalı mütəxəssis Murad Musayevin baş məşqçisi olduğu komanda Latviyada RFS klubunun qonağı olub. Oyun saat 20:00-da start götürüb.
Latviya klubu ilə qarşılaşma “Sabah”ın tarixində avrokuboklarda keçirdiyi ilk oyun olub. Bakı təmsilçisi özü üçün tarixi sayılan matçda qələbə qazanıb. 2:0 hesablı qələbə qazanan “Sabah” cavab oyunundan əvvəl böyük üstünlük əldə edib.
Komandalar arasında cavab görüşü bir həftə sonra Azərbaycanda keçiriləcək.
