Bugün Cəlilabad rayon məhkəməsinin hakimi Elxan Əmirəliyev Laçın rayon icra hakimiyyətinin başçısı Aqil Nəzərlinin jurnalist Əfqan Sadıqova qarşı xüsusi ittiham qaydasında şikayətini icraata qəbul edib. Bu barədə vəkil Elçin Sadıxov öz facebook səhifəsində məlumat paylaşıb. Məhkəmə oktyabrın 18-i saat 12:00-a təyin edilib. Həmin iş üzrə Əfqan Sadıqov AR CM-nin 147.2 və 148-ci maddələri ilə təqsirləndirilən şəxsdir və onu üç ilədək azadlıqdan məhrumetmə cəzası gözləyir.
Vəkilin sözlərinə görə, bugün həmçinin Cəlilabad rayon məhkəməsinin hakimi Qalib Paşayev Laçın rayon Mərkəzi Xəstəxanasının baş həkimi Güllü İbadovanın jurnalist Əfqan Sadıqova qarşı xüsusi ittihamını da icraata qəbul edib. Həmin iş üzrə Ə.Sadıqov AR CM-nin 147.1. Və 148-ci maddələri ilə təqsirləndirilir. Bu iş üzrə də məhkəmə baxışı 18-i saat 12:30-a təyin edilib.
Azadlıq.info