AXCP sədrinin müavini Seymur Həzi
Bizim komandanın (yeni nəsil) ilk siyasi məhbusudur. Həm də yazıya görə tutulub. Fuad Qəhrəmanlı AXCP-də analitk işin başında olan şəxslərdən olub həmişə. Hətta partiyada birinci nəsil ağır artilleriya siyasətçilərinin olduğu zamanlarda belə öz təşəbbüskar xarakteri və analitik qabiliyyəti ilə Fuad bəy o sıralarda olub. Siyasətimizdə onun yeri danılmazdır. Əleyhinə ya da leyhinə hər zaman onun haqqında danışılıb. Hakimiyyət son iyul həbslərində onun qapısını qıraraq həbs edib. Fuad bəydən nə istəyirlər? Bu sual hər kəsi düşündürür. Cavab çox sadədir. 20 ildən çox partiya beyin mərkəzində yer tutmuş, 10 ildən çox AXCP sədrinin müavini olmuş və heç bir mənəvi siyasi terrorla geri çəkilməyən Fuad bəyi əqrəb qısqacında bərtərəf etmək-onu öz aləmlərində “zərərsizləşdirmək” topluma və AXCP-yə zərbə vurmaq istəyirlər. Fuad Qəhrəmanlı hər cəhddə deyir ki, o etirafedici ifadə verməyib. Deməli, ondan belə ifadə almaq üçün ona işgəncələr verilib. O, tanıdığı vəkildən niyə imtina etməldir? Birinci vəkilindən ağır işgəncə və şantajlarla imtina etməsindən sonra ona ikinci vəkil tutulub. Hələ də Fuad bəylə görüşə bilməyən vəkili sabah ona təqdim edəcəklər. İkinci vəkildən də imtina etdirəcəklərmi? Məncə, bütün cəmiyyət bu məsələyə reaksiya verməli, bu tanınmış siyasətçiyə qarşı olan anti insani münasibətə etiraz etməldir.