Bü gün Nəsimi Rayon Məhkəməsində “Qarabağ yürüşü”ndə iştiraka görə həbs olunan AXCP Abşeron şöbəsinin fəalı Müşviq Quliyevin həbsinin ev dustaqlığı ilə əvəzlənməsi barədə vəsatətə baxılıb. Müşviq Quliyev məhkəmə iclasında özü də iştirak edib. Vəkil Hafiz Həsənov istintaqın yekunlaşmasını, təqsirləndirilən şəxsin başqa yerə getməyəcəyini, eləcə də onun barəsində hər hansı bir cinayət əməlinin sübuta yetirmədiyini əsas gətirərək vəsatətin təmin olunmasını xahiş edib. Hakim Rəşid Səmədov vəsatətin rədd edilməsi barədə qərar verib. Vəkil qərardan apelyasiya şikayəti veriləcəyini bildirib.
azadlıq.info