Бишкекда қамалган Бобомурод Абдуллаев олдига адвокатлари киритилмаяпти

Бишкекда ҳибсга олинган ўзбекистонлик журналист Бобомурод Абдуллаевнинг олдига адвокатлари киритилмаяпти. “Озодлик” радиосининг журналист адвокати Наталья Котикдан иқтибос келтириб билдиришича, 12 август куни эрталаб ва ундан бир кун олдин ҳам 14 кунлик карантин баҳона Абдуллаевнинг олдига ҳимоячилари қўйилмаганкиритилмаган.

“Қизиғи, карантин қоидаси фақат Б.Абдуллаевга тегишли эмиш. Агар бевосита кўришишнинг имкони бўлмаса, ўртада ойнаси бўлган хонада ҳам учрашишимиз мумкин эди-ку ахир?..” деган журналистнинг адвокати Наталья Котик “Озодлик” мухбирига.

Бобомурод Абдуллаев суд арафасида журналистларга уни “Қора мерган” тахаллуси остидаги мақолаларни ёзганликда гумон қилиб Мирзо Улуғбек тумани суди 23 июль куни унга нисбатан “сиртдан айблов эълон қилиб бўлгани”ни билдирган эди.

Бишкек шаҳрининг Биринчи май тумани суди 10 август куни эҳтиёт чораси сифатида ўзбек журналисти Бобомурод Абдуллаевни 8 сентябрга қадар қамоқда қолдиришга қарор чиқарганди.

“Бизнинг имконимизда апелляция шикояти киритиш учун 5 кун муддат бор. Агар эътирозларимиз инобатга олинмаса, 30 кундан сўнг Бош прокуратура Абдуллаевни Ўзбекистонга экстрадиция қилишга қарор беради”, деган эди журналистнинг яна бир адвокати Темур Қорабоев “Элтуз” мухбирига.

11 август куни еттита халқаро инсон ҳуқуқлари ташкилоти Бобомурод Абдуллаевни Ўзбекистонга экстрадиция қилмаслик талабини қирғиз ҳукуматига йўллашди.

Ҳуқуқ ҳимоячилари агар Бобомурод Ўзбекистон кучишлатарлари қўлига қайтариладиган бўлса, унга нисбатан қийноқлар ва шафқатсиз муносабат қўлланишидан хавотир билдиришмоқда.

Eltuz.com