Сенат раиси мамлакатдаги ўғирликлар ҳақида гапирди

Ўзбекистон Сенатининг 7 август куни очилган олтинчи ялпи мажлисида парламент юқори палатаси раиси Танзила Норбоева мамлакатда коррупция авж олганини таъкидлади.

“Коронавирусга қарши кураш тадбирлари учун ажратилаётган маблағлар, аниқроғи, Инқирозга қарши курашиш жамғармаси маблағлари талон-тарож қилинаётгани бизни ташвишлантирмоқда. Хусусан, Андижон, Бухоро, Қашқадарё, Навоий, Наманган вилоятларидаги санитария эпидемиология хизмати мутасаддилари томонидан умумий ҳисобда бир миллиард 750 миллион сўмдан зиёд маблағи талон-тарож этилганига жиддий эътибор қаратиш тақозо этилади”, деди у.

Палата раиси, шунингдек, олий таълим соҳасида коррупция деярли барча босқичларда мавжудлиги, бу мамлакат таълим тизими рейтингига жиддий таъсир кўрсатаётганини таъкидлади.

“Мана, бугунги кунда бунинг оқибатида республикадаги бирорта олий ўқув юрти дунё олий ўқув юртлари рейтингидаги мингталикка кира олмаган”, деди Норбоева.

Eltuz.com