Тошкентда табиат душмани ноёб қушга газета едирди

21-сентябрь куни Тошкент ҳайвонот боғида ташриф буюрувчилардан бири ноёб ҳайвон эмуни газета парчаси билан овқатлантирди, деб хабар бермоқда ҳайвонот боғи матбуот хизмати.

Ҳайвонот боғи ходимлари  эркакка танбеҳ берганлар, бироқ у қилган ишидан афсусланмаган.  Хулқ-атвор қоидаларини бузганлиги учун меҳмон  зоопаркдан чиқариб юборилган. Унга маъмурий чора кўришлари ҳам мумкин эди. 

Айни пайтда эму ветеринарлар назорати остида. Зарур текширувлар ўтказилиб, юзага келиши мумкин бўлган асоратларнинг олдини олиш чоралари кўрилмоқда.

Барча ҳайвонлар, шу жумладан эму ҳам, белгиланган рационга қатъий риоя қилган ҳолда озиқлантирилади. Эмуни ҳар қандай озиқ-овқат маҳсулотлари ёки бегона нарсалар билан боқиш қатъиян ман этилади. 

Ҳайвонот боғи ҳудудида сотиладиган махсус озуқа эму учун мўлжалланмаган, — дейилади хабарда.  Шунингдек ҳайвонларни ёмон кўрувчилар учун ҳайвонот боғида ўрин йўқлиги маъмурият томонидан таъкидланади. 

Маълумот учун, эму югурувчи қушлар туркумига мансуб бўлиб, одатда Австралиянинг чўл ва даштларида яшайди. Мева, уруғ ва майда ҳайвонлар билан озиқланади. Сони йилдан йилга камайиб кетмоқда. Қизил китобга киритилган.