Мушукни қайноқ сув билан қийнаган хитойлик 5 суткага қамалди

18-сентябрь куни мушукка нисбатан шафқатсиз муносабатда бўлгани учун Хитой фуқароси 5 суткага қамалди, деб хабар берди “Меҳр ва Оқибат” ҳайвонларни ҳимоя қилиш жамияти ахборот хизмати.

Шундан сўнг ҳуқуқбузарнинг адвокатлари томонидан апелляция шикояти берилди. 20-сентябрь куни уни Жиноят ишлари бўйича Тошкент шаҳар суди кўриб чиқди. Судя жазо турини жаримага ўзгартириш тўғрисидаги шикоятни қаноатлантиришни рад этди ва чет эл фуқаросини ҳибсга олиш тўғрисидаги қарорни ўз кучида қолдирди.

Судда қатнашган “Меҳр ва Оқибат” ҳайвонларни ҳимоя қилиш жамияти ҳуқуқшуноси Дилшодбек Асадуллаев ва адолат учун курашган мурожаатчилар охиригача борди.  

Хитойликка бу ер Хитой эмаслигини эслатиб қўйишди. Катта эҳтимол билан хитойлик мушукларни аввал ўлдириб, кейин истеъмол қилади. Буни у биринчи маротаба содир этмагани ҳам рост гап. .

Эслатиб ўтамиз, воқеа 16-сентябрь куни тунда содир бўлган.