Бувайдада замҳоким экоинспекторни калтаклади

Фарғонанинг Бувайда туманида ҳокимликнинг катта мансабдори экоинспекторга қўл кўтарди. 

Аҳоли шикаоятидан кейин жойига етиб борган Экология қўмитаси инспектори Ахроржон Ниёзов ноқонуний дарахт кесилаётганини кўриб, жараённи тўхтатиш ва ҳужжатлаштиришга уринган.

Лекин туман ҳокими ўринбосари Саидали Хидировга бу ёқмади. Гувоҳларнинг айтишича, у инспекторга босим ўтказиб, ҳатто калтаклаган. 

Кейин Миллий гвардия ходимлари ҳам жалб қилиниб, Ниёзов куч ишлатилган ҳолда туман ИИБга олиб кетилган.

Қонуний талабини айтган инспекторга нисбатан зўравонлик содир этилгани айтилаяпти. Бу ҳолат аҳоли, экологлар ва ҳуқуқшуносларда кескин норозилик уйғотди.