Сурхондарёда куёв қайнотасини ўлдирди

2025 йил 28 декабрь куни Сурхондарё вилоятининг Узун туманида келинчакнинг қайнотаси ва бошқа қариндошлари оилавий низони тинч йўл билан ҳал қилиш мақсадида куёвнинг уйига боришган. Аммо бу уриниш оммавий ваҳшийликка айланиб, куёв тарафдан 5-7 нафар шахс  темир буюмлар билан қуролланиб, қайнота Рақибов Оятуллонинг бош қисмига ўта шафқатсизлик билан зарба беришган. Ҳатто у ҳушсиз ҳолга тушганидан кейин ҳам дўппослашда давом этилган. Натижада Рақибов Оятулло операция вақтида вафот этган. Шунингдек, Рақибов Саидга ҳам оғир тан жароҳати етказилган ва у айни дамда шифохонада оғир аҳволда.

Калтаклаш камлик қилгандек оғир аҳволдаги қайнота шифохонага олиб кетилаётганда куёвнинг қариндошлари томонидан йўл тўсиб қўйилган. Машина ҳайдовчиси ҳам калтакланиб, таҳдид қилинган.

Бемор давлат шифохонасига олиб келинганидан кейин ҳам шифокорлар эътиборсизлиги ва масъулиятсизлиги туфайли 4 соат давомида тиббий ёрдамсиз қолган. Ҳаттоки, беморни қабул қилишдан бош тортишган.