Ҳудудгаз қўқонликларни алдамоқда

Қўқон шаҳридаги Истиқбол маҳалласида газ ўчди. 10 кундан бери ўчоқда қайнаётган гранит қозон қорайиб кетди. Маҳалла аҳлининг таъкидлашича, хонадонларга янги йил байрамида бир кунгуна газ берилган. Шундан буён газ ўчган. Байрамгача ҳам газ таъминотида мунтазам узилишлар бўлгани маълум.

Ҳудудгазнинг Қўқон шаҳар бўлими эса газ профилактика учун бир кунгагина ўчирилди деб хабар тарқатмоқда. Юқоридаги хабарга кўра, маҳалла газ таъминотидан 10 январ куни соат 9 дан 17 гача узиб қўйилди. Аслида эса йил бошидан буён уйларда газ йўқ.

“Бу нима майнавозчилик? Газ байрам ўтгач ўчди, ҳеч қандай огоҳлантиришсиз газни узиб қўйишди. Энди устимиздан кулгандек, ёлғон эълон тарқатишяпти…”

Ҳудудгаз, аҳолини газ таъминотидан узиб, ёлғон ахборот улашаётганингиз сабаби нима? Бу ёлғонга қайси каттакон ишониши керак?