Ислом цивилизация марказида ёнғин юз берди

Тошкент шаҳрида қурилаётган Ҳасти Имом мажмуасида жойлашган Ислом цивилизация маркази биносида ёнғин содир бўлди.

ФВВвазирлигига кўра, 19 август куни  соат 11 ларда Тошкент шаҳар Олмазор тумани Зарқайнар кўчасида жойлашган Ислом цивилизация маркази ҳудудида  ёнғин содир бўлаётгани ҳақида хабар келиб тушган.

Шу куни Бухоро шаҳридаги тарихий Минораи Калон иморати яқинидаги ошхонада ҳам ёнғин содир бўлган. Аланга 1 соат давомида ўчирилган. Тан жароҳати олганлар ҳақида маълумот йўқ. Минораи Калонга шикаст етмагани айтилмоқда.

Хабарга кўра, Хасти Имомдаги ёнғин марказ биносининг том қисмида изоляция қопламаларини ётқизиш пайтида  технологик жараённинг бузилиши оқибатида келиб чиққан. Ёнғин манзилда навбатчиликда турган ва бошқа ёрдамга етиб борган ёнғин қутқарув экипажлари томонидан ўраб олинган ва соат 11.34 да ўчирилган.

Ёнғин натижасида одамлар жабрланмагани ва бинонинг ички қисмига зарар етмагани айтилмоқда. Ёнғин оқибатида бинонинг том қисмида 19 квадрат метр майдондаги қоплама материаллари ёниб кетган.

Маълумот учун, 2019 йилда ҳам ушбу марказда ёнғин келиб чиққан эди.

Элтуз кун давомида Ўзбекистонда юз бераётган оид воқеа ва ҳодисаларни ёритишда давом этади. Каналга обуна бўлинг. Видео юзасидан изоҳлар қолдиринг.