العنوان.. سد النهضة قراءة عكسية(1)
أنتم عارفين إننا بتعدادنا ده وصلنا للفقر المائي لأن المية بتاعتنا تكفي ٥٠ مليون فرد فقط؟ أنتم عارفين إن تعدادنا حاليا تجاوز ال١٠٠ مليون مواطن يعني عندنا 2 بيتقاسموا حصة شخص واحد من المية؟ أنتم عارفين إن اتستخدام مياه البحر والمطر والمياه الجوفيه كله أول عن آخر بيقدر بحوالي ٢٠ مليار متر مكعب مياه ؟كل ده بيودينا لحتمية إننا ننقب عن المياه خارج حدودنا وتحديدا في السودان وإثيوبيا.
حضرت ندوة مؤخرًا عن المياه الموجودة في هضبة السودان والهضبة الإثيوبية وإيه هي فرص استغلال الفوائض الهائلة لديهم اللي هيا سببت مشكلة كبيرة لإثيوبيا والسودان معًا وعرفت من خلال الندوة دي معلومات مهمة للغاية..
في سنة 1958 كان بيجلنا 55.5 مليار متر مكعب مياه في المتوسط، في الوقت ده كنا بنعمل السد العالي وأبدت السودان اعتراضات أن بحيرة السد هتدخل حدودها وهتسبب مشكلة للقبائل والقرى اللي على النيل داخل حدود السودان فمصر قالت للسودان إننا هنديهم تلتين محتوى البحيرة.
في فرق بين سد النهضة والسد العالي حيث أن سد النهضة سد سنوي لازم يخلص من المياه اللي خرنها خلال ٣ شهور الفيضان إنما السد العالي سد قرني يحتفظ بالمياه ليعوض بيها سنين التراجع في الفيضان.
عرفت كمان إن بحيرة السد فيها ١٢٠ مليارمتر مكعب عند منسوب ٧٥ وسعتها ١٦٥ مليار، في السنوات من 1978 لـ 1989 كان الإيراد أقل من المتوسط وكنا بناخد الفرق من بحيرة السد العالي لكن في 1999، الفيضان كان ٨٨ مليار فرمينا الزيادة في مفيض توشكى.
عرفت كمان أن الهضبة الإثيوبية فيها ١٢ نهر ٣ منهم في الناحية الغربية، عطبرة ٥٪، والنيل الأزرق ٨٠٪، وعرفت أن متوسط إيراد مصر والسودان ٨٤ مليار متر سنوي، منهم ١٠ مليار بيتبخروا في بحيرة السد يبقى ٧٤ منهم ١٨ مليار للسودان وإحنا بيفضلنا الباقي.
سد النهضة على النيل الأزرق، بحيرته ٧٤ مليار فقط، لكن هو بينزل عندهم أكتر من ٢٥٠ مليار متر مكعب مياه، وبالتالي في رأي وجيه إن السد لن يؤثر عن حصه مصر بالعكس ده هناك رؤية بتقول إن السد قد يسبب إضافه للحصة بتاعتنا.
الهضبة الإثيوبية منحدرة ميلها شديد، ولا يستطيعوا حتى زراعتها ولا تستطيع البقره أ تقف على الأرض المايلة أساسًا لأن الميل بيوصل لـ 1 إلى 3 .
ارتفاع سد النهضة حوالي ١٤٠ متر، بحيرة السد ٥٠٠كم وعرض ١٠ كم، يعني ٥٠٠٠كم، لو تم تخزين المية أمام سد النهضة، هيوفر مليار ونص متر مكعب مياه كانت هتروح في البخرعلى اعتبار إن المية اللي كانت بتيجي في ٣ شهور هتجيي خلال السنة، في اختلافات جارية على فترة ملء الخزان.. لكن الحقيقة بحيرتنا مليانة وده مطمئن.
لازم كمان نعرف أن خط نهر النيل سعته ٩٠٠ مليون متر مكع مياه فقط، وأن أي كمية أكترمن كده بتزيد بتعمل مستنقعات عندهم علمًا بإن إثيبيا بينزل عندهم ٩٠٠ مليار متر مكعب مياه سنويا.
المقالة الجاية هتكلم عن الأفكار اللي ممكن تزود حصتنا من المياه لتتجاوز الـ120 مليار متر مكعب سنويا.
