Rusiya Prezidenti Vladimir Putin Rusiya Xalqlarının Birliyi İlini elan edib.
Gununsesi.info xarici mediaya istinadən xəbər verir ki, Rusiya lideri “Rusiya” Milli Mərkəzində keçirilən mərasimdə bildirib:
“Rusiya Xalqlarının Birlik İlini açıq elan edirəm”.
Bundan əvvəl Moskvada Rusiya Xalqlarının Birlik İli şərəfinə federal marafon start götürmüşdü. Tədbir ölkənin hər bir vətəndaşına həsr olunur və dövlətçiliyin təməli kimi çoxmillətliliyin rolunu vurğulayır. Baş nazirin müavini Tatyana Qolikovanın açılışda qeyd etdiyi kimi, Rusiyada 194 etnik qrup yaşayır və qarşılıqlı anlaşma və birlik tarix boyu onların qarşılıqlı əlaqəsinin əsas xüsusiyyəti olub.
“Rusiya – Ailələr Ailəsi” marafonunda Rusiyada 190-dan çox milləti təmsil edən təxminən 4000 gənc, eləcə də xarici qonaqlar iştirak edir.
Qeyd edək ki, 25 dekabr 2025-ci ildə Vladimir Putin 2026-cı ili Rusiya Xalqlarının Birliyi İli elan edən fərman imzalayıb.
Maqsud
