Bir müddətdir xərçənglə mübarizə aparan aktrisa Kelli Mak dünyasını dəyişib. Ailəsi onun ölümünü rəsmi İnstaqram hesabında açıqlayıb.
Gununsesi.info xarici mediaya istinadən xəbər verir ki, The Walking Dead serialındakı Addy rolu ilə məşhurlaşan 33 yaşlı Kelli Mack ötən il nadir hallarda rast gəlinən xərçəng növünə yoluxmuşdu. Ulduz sentyabrda müalicəyə başladığını açıqlayıb və pərəstişkarlarından dualar istəyib.
2018-ci ildə The Walking Dead serialının beş seriyasında Addy obrazını canlandıran gənc aktrisa 9-1-1, Chicago Med və Mr. Manhattan kimi prodüserlərdə də çəkilib.
2021-ci ildə “Broadcast Signal Intrusion” qorxu filmində rol alan Mack ən son Universal istehsalında göründü.
Mirror-un məlumatına görə, Kelley mart ayında sosial şəbəkədə proton şüa terapiyasını başa vurduğunu və fiziki müalicəyə başladığını elan edib.
Gənc aktrisanın ölümü pərəstişkarlarını dərindən kədərləndirdi, bir çoxları sosial mediada Kelley üçün başsağlığı verdilər.
