မြန်မာနိုင်ငံအလယ်ပိုင်း ဒေသများတွင်း စစ်ဖြစ်ပွားနေ၍ စိုက်ပျိူးရေး လုပ်ငန်းများကို ယခင်နှစ်များ ကဲ့သို့ အားသွန်ခွန်စိုက်လုပ်ကိုင်နိုင်ခြင်း မရှိတော့ကြောင်း ကချင်လွတ်လပ်ရေးအဖွဲ့(KIO) ဥက္ကဋ္ဌ ဗိုလ်ချုပ်ကြီးအင်ဘန်လက ပြောကြားခဲ့ပြီး ဆန်စပါး ပြတ်လပ်နိုင်မှုအပေါ် ကြိုတင်ပြင်ဆင်ကြရန် သတိပေးပြောကြားလိုက်သည်။
ယနေ့ (ဩဂုတ် ၁၀ရက်) ကျရောက်သည့် ကချင်အာဇာနည်နေ့ အခမ်းအနားကို လိုင်ဇာမြို့၌ ကျင်းပရာ KIO ဥက္ကဋ္ဌ ၏ မိန့်ခွန်းတွင် ယခုကဲ့သို့ မှာကြား ခြင်းဖြစ်သည်။
![(ယနေ့ သြဂုတ်၁၀ ရက် ကျရောက်သည့် ကေအိုင်အို Share shagan Masat Nhtoi အာဇာနည်နေ့ အခမ်းအနားကို လိုင်ဇာမြို့ Sinpraw Majoi ခန်းမ၌ ကျင်းပနေစဥ်၊ ဓာတ်ပုံ - The Kachin Net)](https://i0.wp.com/www.ludunwayoo.com/wp-content/uploads/2022/08/298690103_441519064704218_7253204885837181104_n.jpg?resize=880%2C583&ssl=1)
“လာမည့်နှစ်များတွင် မြန်မာနိုင်ငံတဝှမ်း ဆန်ရေစပါး ပြက်လပ်ခြင်းနှင့် ကြုံတွေ့လာနိုင် တာကြောင့် မိမိတို့နေရာဒေသများတွင် ဆန်နှင့် အခြားသီးနှံများ စိုက်ပျိူးထုတ်လုပ်ခြင်းများ အားသွန်ခွန်စိုက် စိုက်ပျိူးကြရန် အလေးအနက် တိုက်တွန်းထားသည့်အပြင် ရရှိထားတဲ့ စားနပ်ရိက္ခာများကိုပါ ချွေတာကြရန်လည်း တိုက်တွန်းနိုးဆော်ထားပါတယ်”ဟု KIO ဥက္ကဋ္ဌ မိန့်ခွန်းပါ အချက်ကို KIO သတင်းနဲ့ ပြန်ကြားရေးဌာနက ဖော်ပြသည်။
![(ယနေ့ သြဂုတ်၁၀ ရက် ကျရောက်သည့် ကေအိုင်အို Share shagan Masat Nhtoi အာဇာနည်နေ့ အခမ်းအနားကို လိုင်ဇာမြို့ Sinpraw Majoi ခန်းမ၌ ကျင်းပနေစဥ်၊ ဓာတ်ပုံ - The Kachin Net)](https://i0.wp.com/www.ludunwayoo.com/wp-content/uploads/2022/08/297572868_441519168037541_1693251298233901615_n.jpg?resize=880%2C583&ssl=1)
![(ယနေ့ သြဂုတ်၁၀ ရက် ကျရောက်သည့် ကေအိုင်အို Share shagan Masat Nhtoi အာဇာနည်နေ့ အခမ်းအနားကို လိုင်ဇာမြို့ Sinpraw Majoi ခန်းမ၌ ကျင်းပနေစဥ်၊ ဓာတ်ပုံ - The Kachin Net)](https://i0.wp.com/www.ludunwayoo.com/wp-content/uploads/2022/08/298219409_441519278037530_3792568470870431012_n.jpg?resize=880%2C583&ssl=1)
ဗမာလူမျိူးကြီးဝါဒ ကြီးစိုးလာခဲ့သည်မှာ နှစ်ပေါင်း(၇၅)နှစ်တိုင် ရှိခဲ့ပြီဖြစ်၍ လူမျိူးကြီးဝါဒနှင့် အာဏာရှင်စနစ် ချူပ်ငြိမ်းရေးအတွက် ပူပေါင်းသင့် ပူးပေါင်းထိုက်သည့် အဖွဲ့အစည်းအားလုံးနှင့် လက်တွဲသွားရမည်ဖြစ်ကြောင်း KIOဥက္ကဋ္ဌက ပြောကြားခဲ့သည်ဟု ဆိုသည်။
အခမ်းအနားတွင် ပြည်ထောင်စု လွှတ်တော်ကိုယ်စားပြုကော်မတီ (CRPH) ပြည်ထောင်စုသမ္မတ မြန်မာနိုင်ငံတော် အမျိူးသားညီညွှတ်ရေးအစိုးရ(NUG) နှင့် အမျိူးသားဒီမိုကရေစီအဖွဲ့ချူပ်တို့မှ ပေးပို့တဲ့သဝဏ်လွှာများကို ဖတ်ကြားခဲ့ကြောင်း ဖော်ပြထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)