ကရင်နီပြည်နှင့် ရှမ်းပြည်နယ် နယ်စပ်ရှိ ဖယ်ခုံမြို့နယ်မှလအိဆေးရုံကို စစ်ကောင်စီက ယနေ့ (မတ် ၂၂ )နံနက်၁၀ နာရီ ကျော်တွင်တိုက်လေယာဖြင့် ဗုံး ကြဲချတိုက်ခိုက်၍ ဆေးရုံထိခိုက်ပျက်စီးမှုများကြောင်းဒေသခံစစ်ရေးသတင်းရင်းမြစ်အချို့နှင့် စစ်ဘေးရှောင်အရေးကူညီနေသူများကပြောသည်။
“လအိဆေးရုံကို လေကြောင်းသတိပေးချက်ရှိနေလို့ လူနာတွေ မထားဘူး။ဆေးရုံစောင့် ထားတာ။ ဆေးရုံစောင့်နှစ်ဦးထိပြီး တစ်ဦးက ပြင်းထန်တယ်” ဟုစစ်ဘေးရှောင်များအားကူညီပေးနေသူတစ်ဦးကပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/01/PSA_Jan22-scaled.jpg?resize=880%2C107&ssl=1)
Public Service Announcement
![(ဗုံးကြဲခံရပြီးနောက် လအိဆေးရုံအပျက်အစီးများကိုတွေ့ရစဥ်။ဓါတ်ပုံ-1007 MOBYE PDF၊ CJ)](https://i0.wp.com/www.ludunwayoo.com/wp-content/uploads/2024/03/431506141_749187277280067_3248591471437333407_n.jpg?resize=880%2C642&ssl=1)
“ကြဲချတာမိနစ်ပိုင်းလေးပဲရှိသေး ၊အခုလေယာဥ်နဲ့ဗုံးကြဲအသံကြီးကျယ်လိုက်တာ”ဟု စစ်ဘေးရှောင်များကို ကူညီပေးနေသူတစ်ဦးက ဆေးရုံပျက်စီးနေသော ဓါတ်ပုံဖြင့်ဖေ့စ်ဘွခ်တွင်ရေးသားထားသည်။ ဆေးရုံမှာ ပျက်စီးမှုများသည်ကိုတွေ့ရသည်။
ထပ်မံရရှိသောသတင်းအရ စစ်ကောင်စီတပ်မှ နံနက် ၁၀ နာရီ ၁၀ မိနစ်တွင် တိုက်လေယာဥ်ဖြင့်၁၆ ကုတင်ဆံ့ လအိပြည်သူ့ဆေးရုံကိုတစ်ကြိမ်ဗုံးသီး ၂ လုံးဖြင့် ၄ ကြိမ်လာရောက် ကျဲချခဲ့ခြင်းဖြစ်ပြီးဆေးရုံဘေးရှိ ပြည်သူတချို့ ထိခိုက်မှုရှိပြီး၊ ဆေးရုံကား ၁ စီး၊ ဆေးရုံအဆောက်အဦးတချို့ ပျက်စီးခဲ့ကြောင်း 1007 MOBYE PDF ကသတင်းထုတ်ပြန်သည်။
ထိုဆေးရုံသည် စစ်ကောင်စီလေယာဥ်ဗုံးကြဲမည်ကို စိုးရိမ်သောကြောင့် ယခင်ကတည်းကလူနာကုသခြင်း၊ ထားရှိခြင်းမရှိဘဲ၊ ဆေးရုံပစ္စည်းအချို့ကို သိုလှောင်ထားရာ နေရာတစ်ခုဖြစ်ကြောင်း လည်း ဖော်ပြထားသည်။
![(ဗုံးကြဲခံရပြီးနောက် လအိဆေးရုံအပျက်အစီးများကိုတွေ့ရစဥ်။ဓါတ်ပုံ-1007 MOBYE PDF၊ CJ)](https://i0.wp.com/www.ludunwayoo.com/wp-content/uploads/2024/03/431562613_749187310613397_8471497036266913831_n.jpg?resize=880%2C658&ssl=1)
ဖယ်ခုံမြို့ စစ်ရှောင်အရေး ကူညီနေသူက”ဆေးရုံဆိုပေမယ့်မိုးဗြဲ၊ဖယ်ခုံ၊ဒီးမော့ဆို၊လွိုင်ကော် ကစစ်ရှောင်တွေစစ်ဘေးရှောင်စခန်းအဖြစ်အသုံးပြုနေတာပါ။စစ်ရှောင် ပြည်သူနှစ်ဦးအသက်ဆုံးရှုံးတယ်လို့တော့ လောလောဆယ်ကြားရတယ်။အတည်ပြု မရသေးဘူး”ဟု လူထုနွေဦးသို့ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2021/12/Web_banner_PSA-scaled.jpg?resize=880%2C107&ssl=1)
Public Service Announcement
လအိပြည်သူ့ဆေးရုံသည်ရွေးကောက်ခံအရပ်သား အစိုးရလက်ထက်က နိုင်ငံတော်အစီမံဖြင့်တည်ဆောက်ခဲ့သောဆေးရုံဖြစ်ကြောင်းသိရသည်။
လက်ရှိ ကရင်နီပြည်နယ်အတွင်း လွိုင်ကော်၊ဖားဆောင်း တိုက်ပွဲ များ အပြင် ဖယ်ခုံ၊ပင်လောင်းမြို့ တစ်ဝိုက် တိုက်ပွဲများကြောင့် စစ်ကောင်စီ၏ လေ ကြောင်းရန်ကို အထူးသတိပြုရန်လည်း တော် လှန်ရေးအင်အားစုများက သတိပေးထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)