ကျော်ဇော/People’s Spring
တနင်္သာရီတိုင်း၊ တနင်္သာရီမြို့နယ်အခြေစိုက် စစ်ကောင်စီတပ်၏ ခမရ(၅၆၁)ကို နှစ်ရက် ဆက်တိုက်ခိုက်ခဲ့ကြောင်း မြိတ်ခရိုင် ပြည်သူ့ကာကွယ်ရေးပူးပေါင်းဆက်ကြောင်းက အသိပေးထုတ်ပြန်သည်။
![Public Service Announcement](https://i0.wp.com/www.ludunwayoo.com/wp-content/uploads/2022/01/PSA_Jan22-scaled.jpg?resize=880%2C107&ssl=1)
Public Service Announcement
ဧပြီ ၄ ရက် ညနေပိုင်းနှင့် ညပိုင်းတို့တွင် တနင်္သာရီမြို့နယ်၊ ညောင်ပင်ကွင်းရွာအခြေစိုက် စစ်ကောင်စီ၏ ခမရ (၅၆၁) တပ်ရင်းကို မြိတ်ခရိုင်၊ ပြည်သူ့ကာကွယ်ရေးပူးပေါင်းစစ်ကြောင်း – ၁ မှ ADF ဒရုန်းအဖွဲ့မှ ဗုံးသီးများဖြင့် ငါးကြိမ်ကြဲချတိုက်ခိုက်ခဲ့ကြောင်း ဖော်ပြသည်။
![(မြိတ်ခရိုင် ပြည်သူ့ကာကွယ်ရေးပူးပေါင်းအဖွဲ့မှ ရဲဘော်များအား တွေ့ရစဉ်။ ဓာတ်ပုံ - ADF)](https://i0.wp.com/www.ludunwayoo.com/wp-content/uploads/2024/04/435804931_757908973074564_4139430264947736986_n.jpg?resize=720%2C477&ssl=1)
တိုက်ခိုက်မှုအတွင်း ခမရ (၅၆၁) တပ်ရင်းမှ စစ်ကောင်စီတပ်သား လေးဦးသေဆုံးပြီး နှစ်ဦးဒဏ်ရာရရှိခဲ့ပြီး အသေးစိပ်အခြေအနေကိုအတည်ပြုနိုင်ရန် ဆက်လက်စုံစမ်းဆဲဖြစ် ကြောင်း ပူးပေါင်းစစ်ကြောင်းက အသိပေးသည်။
အလားတူ ဧပြီ ၂ ရက်ကလည်း ခမရ (၅၆၁) တပ်ရင်းနှင့် ညောင်ပင်ကွင်းတံတားရှိ စစ်ကောင်စီတပ်သားများကို မြိတ်ခရိုင်၊ ပြည်သူ့ကာကွယ်ရေးပူးပေါင်းစစ်ကြောင်း – ၁ မှ ဝင်ရောက်တိုက်ခိုက်ခဲ့ရာ တိုက်ပွဲအတွင်း စစ်ကောင်စီဘက်မှ သုံးဦးသေဆုံးသည်ကို မျက် မြင်အတည်ပြုနိုင်ခဲ့သည်ဟု ထုတ်ပြန်သည်။
![(မြိတ်ခရိုင် ပြည်သူ့ကာကွယ်ရေးပူးပေါင်းအဖွဲ့မှ ရဲဘော်များအား တွေ့ရစဉ်။ ဓာတ်ပုံ - ADF)](https://i0.wp.com/www.ludunwayoo.com/wp-content/uploads/2024/04/435288043_757909026407892_4359169167641835618_n.jpg?resize=720%2C537&ssl=1)
“ပထမရက်မှာ သုံးယောက်(သေဆုံးစစ်ကောင်စီတပ်သား)က အတည်ပြုနိုင်ပါတယ် ။ ဒုတိယရက် လေးယောက်ကတော့ စုံစမ်းဆဲပါ”ဟု ပြည်သူ့ကာကွယ်ရေးပူးပေါင်းစစ် ကြောင်းတွင် ပါဝင်သည့် မြိတ်ခရိုင် တပ်ရင်း (၂)၊ တပ်ခွဲ(၁)မှ တာဝန်ရှိသူတစ်ဦးက လူထုနွေဦးသို့ ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2021/12/Web_banner_PSA-scaled.jpg?resize=880%2C107&ssl=1)
Public Service Announcement
သို့သော် စစ်ကောင်စီတပ် ထိခိုက်သေဆုံးမှုနှင့်အတ်သက်ပြီး လူထုနွေဦးက သီခြားအတည်မပြုနိုင်ပေ။
![(မြိတ်ခရိုင် ပြည်သူ့ကာကွယ်ရေးပူးပေါင်းအဖွဲ့မှ ရဲဘော်များအား တွေ့ရစဉ်။ ဓာတ်ပုံ - ADF)](https://i0.wp.com/www.ludunwayoo.com/wp-content/uploads/2024/04/435467399_757909036407891_4117860823542241138_n.jpg?resize=720%2C400&ssl=1)
အထက်ပါတိုက်ခိုက်မှုတွင်ပါဝင်သော မြိတ်ခရိုင်၊ ပြည်သူ့ကာကွယ်ရေးပူးပေါင်းစစ် ကြောင်း – ၁ တွင် မြိတ်ခရိုင်တပ်ရင်း(၂) တပ် ခွဲ(၁)၊ ဘက်မလိုက်ပြောက်ကျားတပ်ဖွဲ့၊ တောင်ပိုင်းသူရဲကောင်းတပ်ဖွဲ့ (SWDF)၊ မြိတ်မြို့နယ်(ပ.က.ဖ)နှင့် ADF ဒရုန်းအဖွဲ့တို့ပူး ပေါင်းပါဝင်ဖွဲ့စည်းထားခြင်း ဖြစ်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)