မက္ကဆီကို လုံခြုံရေးတပ်ဖွဲ့တွေဟာ နိုင်ငံရဲ့ အလိုရှိဆုံး မူးယစ်ဂိုဏ်းခေါင်းဆောင် နမ်မဲစီယို “အယ်လ် မန်ချို” အိုစီဂွဲရား (Nemesio “El Mencho” Oseguera Cervantes) ဆိုသူကို အမေရိကန် ထောက်လှမ်းရေးတပ်ဖွဲ့ကနေရတဲ့ သတင်းအချက်တွေနဲ့ ပြီးခဲ့တဲ့ ဖေဖော်ဝါရီ ၂၀ ရက်နေ့က အသေပစ်ခတ် ဖမ်းမိခဲ့ပါတယ်။
အယ်လ် မန်ချို ပုန်းအောင်နေခဲ့တဲ့နေရာကို သူ့ အချစ်တော်ကောင်မလေးဆီမှာ အလုပ်လုပ်နေတဲ့ သူတစ်ဦးဆီကနေ လမ်းစသိရှိသွားခဲ့တာ ဖြစ်ပါတယ်။
အယ်လ် မန်ချိုရဲ့ ချစ်သူကောင်မလေးဟာ သူတို့အတူနေခဲ့တဲ့ တာပယ်ပါ (Tapalpa) မြို့ပြင်မှာရှိတဲ့ တည်းခိုခန်းကနေ ထွက်ခွာသွားချိန်မှာတော့ အယ်လ် မန်ချိုဟာ သူ့ရဲ့ လုံခြုံရေးအဖွဲ့တွေနဲ့အတူ အဲဒီ တည်းခိုခန်းမှာပဲ ကျန်နေခဲ့ပါတယ်။
ဒါကိုစောင့်ကြည့်နေတဲ့ မက္ကဆီကို အထူးတပ်ဖွဲ့ဝင်တွေနဲ့ အမျိုးသားလုံခြုံရေးတပ်ဖွဲ့ ရဲ့ အထူးတုံ့ပြန်ရေးအဖွဲ့တို့ဟာ ချက်ချင်းပဲ အစီအစဉ်ဆွဲပြီး ၂၄ နာရီအတွင်း သူနေတဲ့နေရာကို ဝင်ရောက်စီးနင်းခဲ့တာ ဖြစ်ပါတယ်။
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် /qurium/myanmar-now.org/mm-members.html တွင် ကူညီနိုင်ပါသည်။
