Estoniya yığması ilə oyunda qalib müəyyənləşməyib
İyunun 17-də futbol üzrə Azərbaycan milli komandası AÇ-2024-ün seçmə mərhələsində növbəti oyununu keçirib.
Yığma komanda F qrupundakı 3-cü matçında Estoniya millisi ilə qarşılaşıb. Bakıdakı “Dalğa Arena”da keçirilən oyun saat 20:00-da başlayıb.
Qarşılaşma 1:1 hesabı ilə başa çatıb. Bununla da, Azərbaycan yığması seçmə mərhələdə ilk xalını qazanıb.
Azərbaycan millisi AÇ-2024-ün seçmə mərhələsində daha əvvəl keçirdiyi oyunlarda Avstriyaya 1:4, İsveçə isə 0:5 hesabı ilə uduzmuşdu.
Üç oyundan sonra hesabında 1 xal olan Azərbaycan millisi F qrupunda sonuncu pillədə qərarlaşıb.
