Yerevan məlumatı təkzib edir
İyunun 14-ü saat 07:15-də Ermənistan silahlı qüvvələrinin Soylan rayonunun Xaçik yaşayış məntəqəsindəki mövqelərindən Şərur rayonunun Axura yaşayış məntəqəsinin atəşə tutulduğu bildirilir.
Bu barədə Azərbaycan Müdafiə Nazirliyi məlumat yayıb.
Məlumatda qeyd edir ki, qeyd olunan istiqamətdə cavab tədbirləri görülüb.
Ermənistan Müdafiə Nazirliyi məlumatı təkzib edib.
Bildirib ki, Azərbaycan Müdafiə Nazirliyinin məlumatı həqiqətəuyğun deyil.
İyunun 13-də də Azərbaycan Naxçıvanla sərhəddə atəşkəsi pozduğuna görə Ermənistanı ittiham etmişdi, amma Yerevan məlumatın həqiqətəuyğun olmadığını demişdi.
