Yazıçı 1975-ci ildən Fransada yaşayırdı
Çex əsilli fransız yazıçı Milan Kunderanın 94 yaşında vəfat etdiyi bildirilir.
Yazıçının iyulun 11-də həyatını itirdiyi bildirilir.
Milan Kundera 1929-cu ildə keçmiş Çexoslovakiyanın Brno şəhərində doğulub.
1968-ci ildə kommunist ölkəsindən mühacirət edən Kundera sonlaralar vətəninə qayıtmayıb və Çexiyada əsərlərinin nəşrini qadağan edib.
1975-ci ildən Fransada yaşamağa başlayıb.
1990-cı ilin əvvəllərindən əsərlərini fransızca yazmağa başlayıb.
Kundera yaradıcılığa şair kimi başlayıb, 50-ci illərdə “İnsan: Böyük bağ” (1953), “Sonuncu may” (1955), “Monoloqlar” (1957) adlı poetik toplularını nəşr etdirib.
1962-ci ildə “Açarçılar” adlı pyesini yazıb.
Həmin vaxtı nəsrlə ciddi məşğul olan Kunderanın novellaları, romanları və esseleri müəllifə şöhrət qazandırıb.
“Gülməli əhvalat” (1963-1968) novellalar toplusu, “Zarafat” (1965), “Burda olmayan həyat” (1973), “Gülüş və yaddaş kitabı” (1978), eyni zamanda “Mövcudluğun dözülməz yüngüllüyü”, “Ölməzlik”, “Arxayınlıq” romanları dünyada tanınıb.
