Samux rayonunda gəlinin ərinin və onun valideynlərinin verdiyi işgəncələrə məruz qalması hadisəsinin təfərrüatı məlum olub.
“Report”un Qərb bürosunun məlumatına görə, gəlinin evdə başqa kişi ilə tutulması iddia olunaraq əvvəl qaynatası, qaynanası və əri tərəfindən döyülüb, başı qırxılıb. Sonra qadın atasının evinə qaçıb. Valideynlərinə nə üçün döyüldüyünü deyəndən sonra atası, 1955-ci il təvəllüdlü Famil Məhərrəmov qızına balta ilə ağır bədən xəsarətləri yetirib. Daha sonra qızını boğmağa çalışıb. Məlumata görə, qızın anası gəmiricilərin məhv olunması üçün nəzərdə tutulan zəhərli dərmanı qızına zorla içirib.
Gənc qadın valideynləri tərəfindən məruz qaldığı işgəncələrdən sonra küçəyə qaçıb və huşunu itirərək yerə yıxılıb. Ətrafdakıların köməyi sayəsində təcilli tibbi yardım maşını ilə xəstəxanaya yerləşdirilib.
Hadisə şahidlərinin verdiyi məlumata görə, gənc qadının əri həyat yoldaşı ilə birlikdə olan kişini bıçaqlayıb. Qadının atası 1955-ci il təvəllüdlü Famil Məhrrəmov Samux Rayon Polis Şöbəsinin (RPŞ) əməkdaşları saxlayıb.
Oxunub: 420