Qənimət Zahid
« Akkord» korporasiyasının keçmiş sahibi İlqar Hacıyev prezident ailəsinə rüşvət verdiyi barədə açıqlama verdi və bu açılqlama Azərbaycanda günün ən qalmaqallı informasiyaları sırasında ilk yerdədir. Xatırladım ki, bir müddət bundan əvvəl, «Azərbaycan Saatı » proqramında bu şirkətin ətrafında cərəyan edən müdhiş maliyyə cinayətləri barədə ətraflı məlumatlar verilmişdi və indi həmin bilgiləri diqqətinizə təqdim edirəm.
Azərbaycanın ən iri inşaaat və istehsal qruplarından biri olan Akkord Sənaye Tikinti İnvestisiya Dambadurum Korporasiyası ASC 2006- cı ilin dekabrında qeydiyyatdan keçib, veb- saytında yazdıqlarına görə isə bundan düz bir il əvvəl də təsis edilib. Müəssisəsinin Nizamnamə kapitalı hər birinin nominalı 17 manat 50 qəpiklik 4 milyon 235 min səhmdən ibarət olaraq formalaşıb. İnvestisiya qiymətli kağızlar buraxılışının məcmu nominal dəyəri 74 milyon 112 min 500 manatdır. Korporasiya müxtəlif tikinti materiallarının istehsalı ilə məşğul olmaq üçündür, yol- nəqliyyat infrastrukturunun tikintisi üzrə bir sıra layihələrin podratçısıdır. Bundan başqa, çirkət Bakı və Abşeron yarımadasında yaşayış komplekslərinin inşası ilə məşöuldur. Ümumi binzes fəaliyyətinin 65 faizi, 14 faizi daşınmaz əmlak, 12 faizi istehsalat, 6 faizi layihə idarəetməsi və layihələndirmə işləri, 3 faizi isə tikinti maşın mexanizmlərinin payına düşür. Korporasiyaya 30-dan çox müəssisə daxildir, xaricdə fəaliyyət göstərdiyinə görə 10-a yaxın xarici ölkədə də nümayəndəlikləri var.
Korporasiyanın müxtəlif xarici ölkələrdəki layihələri üzrə öhdəliklərini yerinə yetrimədiyi ilə bağlı zaman- zaman iddialar səsləndirilib. Məsələn, Akkordun Türkiyədə üzərinə götürdüyü müqavilə öhdəliklərini yerinə yetirmədiyi ilə bağlı faktlar var. Türkiyə mətbuatında yer alan xəbərlərə görə şirkətin « Öz Volkan » neft məhsullarının nəqli və inşaat şirkətinə 7 milyon 537 min 16 lirə, manatla hesablasaq, 2 milyon 621 min 247 manat borcu var. Buna görə Akkordun Türkiyədəki hesablarına QaziAntep 13- cü icra dairəsinin qərarı ilə həbs qoyulduğu bəllidir. Məlumata görə, Akkord korporasiyası Türkiyə Kömür işlətmələrindən aldığı mədən yatağının qazılması ilə bağlı bəzi işlərin icrasını ADA metal – mədənçilik şirkətinə həvalə edib, ADA – nın işçiləri də əmək haqqı ala bilmədiklərinə görə məsələ pozulub, buna qarmaqarışıqlıq məhkəməyə aparılıb çıxarılıb, və Akkordun Türkiyədəki hesablarına həbs qoyulması ilə nəticələnib ki, Azərbaycanda istədiyiniz dələduzluğu edə bilərisiz, çünki arxanızda baş prokuror dayanır, amma burdakı baş prokurorun sizin fgəaliyyətinizdən ətmənnaslı olmadığına görə bu dolaşıq əməllərinizi dayandırın. Üstəlik, həm Akkordun, həm də həmin o başabəla ADA şirkətinin Malatyada, Qaziantepdə bir sıra başqa borclarının da yarandığı ortaya çıxıb… Məşhur məsəldə deyildiyi ilə birbaşa dəxli olmasa da Akkordun Türkiyədəki bu para dələduzluğunun düz 40 gün çəkdiyi barədə rəsmi xəbərlər var, 40 günün tamamında onları dara çəkiblər. Əlbəttə, Akkord da öz mövqeiyini belə əsaslandırıb ki, bu borclar bizim deyil, Türkiyədəki ortaqlarımızındır, amma nə dəxli var, seçim ki, Qaralovundur. Yəni, Türkiyədəki ortaqları Akkord üçün madaqaskarlıları seçmir, elə Akkordun özü seçir.
Nə isə, Akkordun bu sayaq işləkləri çoxdur, onların hamısından bəhs etməyə onsuz da dəftər çatmaz, amma bir də dönək ölkəmizin içindəki fəaliyyətlərinin dolaşıq- bulaşıq əməliyyatlara. Təkcə 2015- ci ildə Qaralovun korporasiyası 14 şirkət yaradıb. Nə məsələdir, yəni ? Nəyə gərək olub birdən- birə bu qədər yeni şirkət yaratmaq ? Bunlardan bəzilərinin də adını çəkək, məzkur korporasiyanını ürəyində xal qalmasın ki, faktlardan yox, ehtimallardan çıxış edirik. Dediyim kimi, təkcə 2015- ci ildə, bir ildə 14 çirkət yaratmağa qərar veriblər. Məsələn, 10 manat Nizamnamə kapitalı ilə «Akkord Tekstil » MMC və ya 1 milyon 274 min 226 manat 46 qəpiklik Nizamnamə kapitalı ilə « Akkord Hidrotechnical Sonstruction Company », 2 milyon 259 min 226 manat 96 qəpik Nizamnamə kapitalı ilə «Kərpic » MMC. Bu şirkətlər eyni gündə yaradılıb. Nizamnamə kapitalı 100 manat olan « Property İnvestments » MMC, Nizamnamə kapitalı 7 milyon 187 min 74 manat 70 qəpik olan «Körpü- tunel tikinti » MMC, Nizamnamə kapitalı 9 milyon 172 min 857 manat 3 qəpik olan «Akkord Nəqliyyat » MMC də həmin o bir ildə yaradılan şirkətlərdəndir. Bu şirkətlərin hamısında Akkord korporasiyasının səhm payı 100 faizdir, hamısının da hüquqi ünvanı Mərimanov rayonu, Teymur Əliyev küçəsi ev 59-dur. Yerdə qalan 8 müəssisəsinin də hüquqi ünvanı eynidir, amma milyonerlər məhəlləsində deyil, Nərimanov rayonunda Məmməd Araz küçəsindəki 95 saylı evdir. Bunlardan « Caspean İndustry and Construction Services », « Akkor Mənzil Kommunal Təəsrrüfatı Birliyi » MMC, « Accopen »MMC, 10- 100 manat arasında olan Nizamnamə kapitalı ilə təsis edilib. Eləcə də 5 mənzil tikinti kooperativi- Nizamnamə kapitalı 1 milyon 500 min manat olan Mərdəkan Bağları , Nizamnamə kapitalı 863 min manat olan « Biləcəri Bazalt », Nizamnamə kapitalı 6 milyon 284 min manat olan « Novxanı Parkı », hər birinin n izamanəma kapitalı 500 manat olan « Badamdar Konion » və « Yeni Xocasən » mənzil tikinti kooperativləri yaradılıb və Akkordun adı çəkilən müəssisələrin nizamnamə kapitalında payı 99-100 faizdir. 2015- ci ilin əvvəlinə Korporasiyanın, yəni Akkord korporasiyasının özünün işçi sayı 1819 nəfər olub və hesabatlara inansaq, işçilərin böük əksəriyyəti sadalanan hüquqi şəxslərdə işlə təmin edilib. Buna görə də hesabat dövrünün sonuna qədər korporasiyanınözündə cəmi 354 nəfər işçi qalıb. Ya da bu işçilər sadəcə ixtisar edilib.
Amma bu şirkətlər hələ hamısı deyil. Korporasiyanın tərkibində çoxlu sayda başqa şirkətlər- müəssisələr də var. Bilmirəm, onların hamısının adlarını saymağa dəyr, ya dəyməz, məncə buna ehtiuyac yoxdur, onsuz da Akkorda cəmi neçə müəssisənin daxil olduğunu dedim. Amma hərdən burda elə anlaşılmaz olaylar baş verir ki, təəccüb etməməmək olmur. Məsələn, Qazax Sement zavodu rəsmən Akkordun tərkibində əfaliyyət göstərsə də, Vergilər Nazirliyinin Kommersiya qurumlarının dövlət reyestri məlumatlarında bu zavodun adı yoxdur, onu gizlədiblər Zakir Qaralovun ala gözlərinin arxasında.
Akkord korporasiyası indiyə qədər külli miqdarda dövlət sifarişləri alıb. Bu, yüz milyonlar deyil, milyardladır ! Rəsmən özlərinin etiraf etdiklərinə və veb- saytlarında yazdıqlarına görə Akkord 1 milyard 700 milyon dollarlıq dövlət sirafişləri alıb icra edib. Hələ 2013- cü ilin iyun ayındakı məlyumatların yuvarlaq həsmi bundan bir qədər çoxdur. O zaman 1 miyard 900 milyon dollardan söhbət gedirdi. Elə həmin ərəfədə Şirkətin rəhbərlərinin vertdikləri məlumatlarda, dərc etdirdikləri müsahibələrdə deyilirdi ki, korporasiya Azərbaycanda 314 milyon manatlıq 5 yol tikinti layihəsi götürüb icra edib. Özlərinin yaydıqları məlumatlarda göstərilir ki, Akkord xaricdə də çoxlu işlər görür. Belə ki, hələ 2008- ci ildə Azərbaycanda ilk beton avtomobil yolunun , yəni « Bakı- Rusiya Federasiyası sərhəddi » avtomobil yolunun tikintisini həyata keçirib. 2009- cu ildə ilk xarici layihələrin icrasına başlayıb, Gürcüstanda və Qazaxıstanda ofislərini açıb. 2010- cu ildə Əfqanıstanda hərbi aerodrom tikib. 20111- ci ildə Akkord Özbəkistan və Ukraynanın tikinti bazarına girib, Oqtay Əsədovun anası ölməsin, Akkord üçün yeni biznes sahəsi olaraq su-kanalizasiya infrastrukturu layihələrinin icrasına girişib, Gürcüstanda isə bir çox layihələrini başa çatdıraraq orda öz lövbərini bərkitmək şərtilə Türkiyə bazarına qədəm basıb. Ukraynada isə ortaq partyorlarla birlikdə iri miqyaslı layihələrin öhdəsindən gəlib. 2014- cü ildə Akkord artıq böyüyüb ərsəyə gələrək «Şahdəniz-2» layihəsi çərçivəsində çıxarılacaq təbii qazın Türkiyə üzərindən Avropaya nəqlini həyata keçirəcək beynəlxalq əhəmiyyətli TANAP və TAP enerji layihələrinin tikintisi üzrə elan edilən tenderə Türkiyənin « Yüksel İnşaaat » Anonim Şirkəti və İtaliyanın « SİCİM S.p,A » şirkəti ilə bilrikdə qatılaraq « TANAP Doğalqaz İletim » şirkəti tərəfi ndən açıqlanan nəticələrə gpörə tenderin qalibləri sırasına qatılıb və bu, Zakir Qaralovun ölkùmiz üçün nə qədər böpyük əhəmiyyətli bir vücud olduğunun sıradakı gösrtəricilərindən biri kimi qeydə alınıb. 2015- ci ili Akkord Bakı Olimpiya stadionun yaxınləığında tikilən mikrotunel layihəsi ilə yekunlaşdırıb. Bu, cənab baş prkurorun aıdna layiq olan həcmdə olmasa da, il belə yekunlaşıb. Amma burda, elə indilərdə saydığım bu qədər işləklərin altında bir əmmanın olduğundan da şübhələndim, buna görə bir qədər dərinə getməyə məcbur oldum. Əslində bir yox, çoxlu sayda « əmmalar » var onların bəziləri haqqında gərək, danışım. İndicə dedim ki, lovğalanmaq zamanları gələndə, şirkət rəybərləri özləri də etiraf ediblər milyardlıq dövriyyələri var. Milyardlıq dövriyyələr, lap yaxşı, amma bu qədər nəhəng dövriyyənin müqabilində Akkordun adı satınalmalar reyestrində cəmi iki-üç dəfə hallanır. 2011- ci ildəki satınalma reyestrinə əsasən Akkord şirkəti Nəqliyyat Nazirliyi Avtoyolserzis Cavid Qurbanov Açıq səhmdar cəmiyyətindən Ziya Bünyadov və Böyük Şor küçələrinin kəsişməsində yol qovşağının 43 milyon manatlıq tikintisini satın alıb. 2012- ci ildə Ərazilərin bərpası və Yenidən qurulması üzrə Agentlik ki, belə bir dövlət agentliyi də var,- Ağstafa və Tovuz rayonlarında çirkli su təmizləyici qurğuları üçün avadanlıqlar və onların quraşdırılması işlərinin alınmasını 17 milyon 500 min manata Akkord – Alkatas şirkətinə əhvalə edib. Həmin il « Azərsu » səhmdar cəmiyyəti Milli su təchizatı və kanalizasiya xidmətləri layihəsi çərçivəsində Sabirabad rayonu üçün su təchizatı və kanalizasiya sistemlərinin tikinti işlərini də 35 milyon 600 min manata « Kocaoölu Art- Akkord » türkiyə- Azərbaycan birgə müəssiəsinə həvalə edib. 2013- cü ildə Ədliyyə Nazirliyi Binəqədi rayon məhkəməsinin inzibati binasının tikintisini 11 milyon 200 min manata « Akkord STİK » açıq səhmdar cəmiyyətinə sifariş edib. Amma elə həmin 2013- cü ildə 5 yol tikintisi layihəsinin satınalmalar reyestrində izi- tozu da yoxdur. 2015- ci ildə Siyəzən rayon icra hakimiyyəti Çəndəhar avtomobil yolunun tikintisi işlərinin icrasını 12 milyon 87 min 805 manata « Akkord STİK » dən satın alıb. Bakı Metropoliteni özünün Tağılı zamanlarında qranit üzlükləri « Akkord Mərmər Qranit » Məhdud və məsuliyyətsiz cəmiyyətdən 14 milyon 380 min 14 manata satın alıb.
2016- cı ildə isə müsabiqə reyestrində şirkətin qazandığı tenderlərin cəmi ikisi haqqında məlumatlar reyestrdə qeyd edilib. Bunlardan birincisi « Meliorasiya və Su Təsərrüfatı » Açıq səhmdar cəmiyyətinin qış otlaqlarında meliorasiya işlərinin görülməsidir ki, dəyəri nə az- nə də azacıq, 72 milyon 498 min 883 manatdır və bu işlərin görülməsi « Akkord Hidrotechnical Construction Company » adlı şirkətə verilib. Ərazilərin bərpasəı və yenidən qurulması agentliyi isə Qazaxda 1 saylı 100 yerlik körpələr evi- uşaq baxçasınını tikintisinin başa çatdırılması işləridi də 1 milyon 140 min 260 manata elə həmin indicə adını çəkdiyim bu şirkətdən satın alıb. Baxın, burda ilginc olan bir məqam var. Cəmi 1 yaşı olan şirkət necə olursa, birdən- birə dövlətdən 74 milyon manatlıq tender götürə bilir ! Axı, Azərbaycan dövlətinin qanunlarında « Dövlət Satınalınmaları haqqında » yekə qanunda pis- yaxşı, yazılır ki, dövlətdən sifariş almaq üçün irkətin ən azı 3 illik təcrübəsi olmalıdır ! Amma Qaralov yeriyər.
İndi həmin o qışlaqları qarış) qarış gəzib orda görülən , əslində isə görülməyən 74 milyon amnatlıq işlərin bütün kəsirlərini soxmaq lazıdır Qaralovun bəbəyinə ! Amma bu yerdə vurğulamq istədəyim bu idi ki, bu boyda nəhəng korporasiyanın dövlətdən aldığı külli miqdarda deyiləcək sayda layihələrin ildə yalnız 2-3 dənəsi reyestrlərdə qeyd edilir, qalanları isə tərəkəmə qaydasında, and içməklə və ya söyüş qoymaqla verilir.
Bəs bu qədər ildırım sürətilə inkişaf edən, dövlət tenderlərini «semiçka pulu» kimi bir cibindən o biri cibinə tullayan nəhəng, arxalı- himayədarlı şirkətin dövlət banklarına nə qədər borcu var ? Axı, ağlagəlməz dərəcədə böyük dövriyyəsi olan bu iqtisadi leş bütün fürsətlərin başında dayanıb ölkənin iqtisadi mənzərəsini korlandıranlardan- iyləndirənlərdən biridir. Doğrudur, belə söhbətlər gəzir ki, Akkord təkcə Beynəlxalq Bankdan 1 milyarddan artıq kredit götürüb, amma şirkət rəhbərləri bu faktı qəbul etmirlər. Kredit götürdüklərini etiraf edirlər, əlbəttə, dəqiq məbləğ barıədə bir kəlmə də yoxdur. Ona görə, neyləmək gərəkdi, əlbəttə, özümüz araşdırmalıydıq. Həm də cəhənnəmə, elə Akkordun özünün hesabatlarından, rəsmi veb- səhifəsindən və başqa mənbələrdən. Saytda yalnız 2015- ci ilin bu barədə məlumatlarına rast gəlmək olur. Əslində, Akkord Açılq Səhmdar Cəmiyyəti olduğundan bütün məlumatlarını ictimaiyyətə açıqlamağa borcludur. Lap elə, keçən ilki bilgiləri də açıq olmalıydı, ondan əvvəlkilər də. Bu da Heydər Əliyev Fondu deyil ki, hardan taladığını, kimləri daldığını, kimdən nə qədər qopardığını gizli saxlasın ?! Amma neyləməli ? Teorem həll etməli olacağıq. Əlimizdə yalnız bir mənbədən tək- tük məlumatlar olduğuna görə məchulları məlum etmək üçün hansısa düsturlar tətbiq etmək lazım gəlir. Maliyyə ilinin nətyicələrinə görə Akkord ASC-nin 31 yanvar 2015 – ci il tarixinə cəmi aktivləri əvəlki illə müqayisədə 7,2 faiz artaraq 755 milyon 511 min 600 manatdır Cəmi kredit öhdəlikləri də 580 milyon 222 min 400 manatdır. Əvvəlki ildə, yəni 2014- cü ildə bu öhdəliklərin cəmi olub 550 milyon 983 min, yəni 5, 3 faiz də burda artım var. Bunun 55 milyon 494 min manatı qısamüddətli kreditlərdir ki, onlar da əvvəlki illə müqayisədə, bir daha deyirəm, 2014- cü illə müqayisədə 1,7 faiz artıb. 524 milyon 728 min 400 manat da uzun müddətli kreditlərdir. Yarım milyarddan artıq olan kreditlərin hamısının Beynəlxalq Banka aid olub- olmadığını iddia etmək mümkün deyil və əlbəttə, adı Açıq olan Səhmdar cəmiyyətin özü bu məsələyə aydınlıq gətirməlidir. Debitor borcları isə, yəni korporasiyanın almalı olduğu borclar da bundan dəfələrlə azıd rvə cəmi 10 milyon 136 min manatdır. Baxın, 580 milyon hara, 10 milyon hara ! 2016- cı ilin yanvarın birinə olan duruma görə cəmiyyətin səhmdar kapitalı 175 milyon 289 min 200 manatdır ki, burda 14,2 fauiz artım var, nizamnamə kapitalı isə 74 milyon 112 min 500 manatdır ki, bu da dəyişməyib sabit olaraq qalıb.
Maliyyə hesabatına görə 2015- ci ildə Akkordun əməliyyat gəlirləri 2 dəfə artaraq 56 milyon 700 min manat olub, satışların maya dəyəri iki dəfə azalaraq 26 milyon 616 min 400 manat olub, ümumi gəlirləri 4 dəfə azalaraq 39 milyon 141 min 700 manat olub. Xərcləri nəzərə almasaq, əvvəlki, yəni 2014- cü ildə olduğndan 40 milyon 400 min manat az gəlir göstəriblər və bu rəqəmi, yəni ümumi gəlirləri 12 milyon 525 min 3400 manat qeyd ediblər. O boyda, yni ən azı, zahirdə göründüyü kimi, Qaralov boyda korporasiya bu əqdər nəhəng dövriyyə ilə ili gəlirlə başa çıxmayıb, əksinə 21 milyon 776 min 600 manat xalis zərər göstərib. Hələ bu azmış kimi ötən il Akkord ümumi və inzibati xərclərinin də 12 milyon 383 min 200 manata qədər azaldığını göstərib. Az əvvəl dedim ki, 2015- ci ilin müsabiqə reyestrinə əsasən Akkord Açmq başına daş düşmüş səhmdar cəmiyyəti Çəndəhar avtomobil yolununun tikinti işlərinin icrası üçün 12 milyon 87 min 805 manat, qranit üzlüklər üçün də 14 milyon 380 min 140 manat sifarişlər alıb. Belə çıxır ki, sifarişlərin 27 milyon 39 min 533 manatı heç bir tender – filan olmadan verilib. 2014- cü ildə də Akkordun gəlirinin 155 milyon 770 min olduğu bəllidir ki, bunun da 102 milyon 847 min 500 manatı tikinti müqavilələrinin və satışın maya dəyəridir, 52 milyon 922 min 200 manatı isə ümumi gəlir olub. Xalis zərər 19 milyon 812 min 200 manat göstərilir. Pul vəsaitlərinin hərəkəti haqqında hesabatda şirkətin torpaq, tikili və amortizasiyası cəmi 48 milyon 216 min manat qeyd edilib. Bu, qısa müddət ərzində bu qədər sürətlə təsəvvür edilə biləcək köhnəlmə üçün çox böyük rəqəmdir. Burda bir fırıldaq olmalıdır. Fırıldaq da bundan ibarətdir ki, qazanılan vəsaitlərin vergidən yayındırılması üçün hamıya tanış olan, yəni bütün işbaz dələduzlara tanış olan bir üsuldan istifadə edilib. Faktiki oilaraq amortizasiya xərcləri ümy=umi gəlirdən çox göstərilib. Əvvəlki ildə bu rəqəm cəmi 12 milyon 171 min manat yazılıb, demək 4 dəfə fərq var, hərçənd, hətta biu 12 milyon da çox şübhəli dərəcədə böyük görünür, hər halda bir əvvəlki rəqəmin 4 dəfə az olduğunu görürük. Akkordun isə bu qədər dövriyyə, bu qədər gəlirlə ili zərərlə başa vurması şübhə deyil, aşkar dələduzluq əməliyyatlarının olduğundan xəbər verir… Baş prokurorun izini qəlbində daşıyan bu koröporasiyanın, hətta devalvasiyadan əvvəkki bolluq və arxayınçılıq zamanlarında, 2014- cü ildə dı ili zərərlə b aşa vurması ciddi maliyyə maxinasiyalarının olduğunu deyir. Kommersiya qurumunun qəsdən zərərə uğradılmasına fgörə isə baş projuyrprun hansı məsuliyyət ölçüsülərinin yarandığı barədə təsəvvürləri olmaklıdır. Amma nə prokurorluq, nə də vergi orqanları bu nəhəng maliyyə maxinasiyaları ilə bağlı tədbir görüb. Niyə ? Ona görə ki, Akkord toxunulmazdır. Niyə toxunulmazdır ? Bu səbəblər aydındır, amma lap dəqiqləçdirməyə çalışaq ki, niyə hamıya bu toxunulmazğın sirri aydın olmalıdır. Akkord Korporasiyasının rəsmi sahibləri və təsisçiləri həmişə mübahisə predmeti olublar. Bunları bir qədər araşdıranda o qədər də sürpriz kimi görünməyən adlar ortaya çıxır. Belə ki, korporasiyanın səhmlərinin 24,5 faizinə sahiblik edən bir neçə il əvvəl təsisçilikdən çıxdığını elan edib. O, bu korporasiyada nominal qiyməti 20 milyon 580 min 400 manat olan 1 milyon 176 min 23 səhmin sahibi idi. İndi isə müəssisəsinin iki səhmdarı qalıb. Bunlardan biri hüquqşi şəxs olan « VİP Estate » MMC-dir ki, Akkordun Nizamnamə kapitalında payı 2 milyon 159 min 850 səhmlə 51 faizdir və səhm paketinin nominal dəyəri də 37 milyon 797 min 375 manatdır. Bu şirkətin özü isə 2010- cu iyun ayının 28 də 1000 manat Nizamnamə kapitalı ilə yaradılıb, Akkord korporasiyasında səhm paketinə isə 2011-ci ildən nəzarət edir. İndi bu « VİP Estate »in qanuni təmsilçisi Səid Əliyev adlıb ir nəfərdir. Həmin bu cənab Səid Əliyev « Sinergy Group » Açıq Səhmdar Cəmiyytətində nominal dəyəri 150 min manat olan 75 min səhmlə 1 faizə sahibdir. Sinergy qrupun nominal dəyəri 14 milyon 850 min manat olan 7 milyon 425 min 99 faizlik səhmilərinə isə Əşrəf Kamilov adlı bir cənab sahiblik edir. Yəni, Akkord korporasiyasının səhmlərinin 49 faizinə nəzarət edən Synergy Qrupun özünün səhmlərinin 99 faizi Əşrəf Kamilovdadır. 2015- ci ilin maliyyə hesabatına görə Synergy qurpun Nizamnamə kapitalı 15 milyon manatdır, amma Vergilər Nazirliyinin kommersiya qurumlarının dövlət reyestrində də bu qruöun Nizamnamə kapitalıınn 50 milyon manat olduğu göstərilir. Bir başqa detal da var ki, Əşrəf Kamilov adlı cənab VİP Estate üzərindən Akkord STİK şirkətinin də səhm nəzarət paketinin sahibidir. Əşrəf Kamilov eyni zamanda «AtaHoldinq » Məhdud Məsuliyyətli Cəmiyyətinin Müşahidə Şurası sədrinin birinci müavinidir və ATA bank Açıq səhmdar cəmiyyətinin Müşahidə Şurasının sədridir. Rəsmi təsdiqlənməyən bir məlumata görə də Synergy Qrupun əsl sahibi sabiq vergilər naziri Fazil Məmmədov idi, Əşrəf Kamilov onun menecerliyini həyata keçirən şəxs idi və səhmlərin də 99 faizi onun adınadır.
Fazil Məmmədov söhbəti isə elə nazir Fazil Məmmədov qarışıq öldü. Onun əlində- ovcunda nə vardısa, alıb qatdılar ailənin mülkiyyət və sərvətlər bazasına… Son məlumatlara görə Fazil Məmmədovun adına Azərbaycanda və xaricdə təkcə bu Synergy Qrupa daxil olan 25 ədəd şirkət vardı… Avropadakı binzesini idarə edən kürəkəni Əbdül Əliyev də indi Bavariya çöllərində yeni qohumlarının himayəsini qazanıb yeni layihələrə kapital qoymaq üzərində baş sındırır, çünki qaynatanın kitabı bağlanıb. Əbdül Əliyevin atası Vergilər nazirinin müavini Namiq Əliyev adlı kadrdır və hansısa tərəfdən Nəcməddin Sadıqovla qudadır. … Fazil Məmmədov indi heç kimə gərək olmayan, sosial məzmununu itirmiş yükdür, keçək söhbətimizin davamına.. Orda bir başqa fiziki şəxs də var. Bu adamın da adı Dərya Vəliyevdir. Həmin bu Dərya Vəliyev də Akkord STİK Açıq Səhmdar Cəmiyyətində nominal dəyəri 36 milyon 315 min 125 manat olmaqla 2 milyon 75 min 150 səhmlə 49 faiz paya sahibdir. 2015- ci ilin may ayının 19-da keçirilən əshmdarların ümumi yığlncağında isi təsisçidən biri olan Dərya Vəliyev Müşahidə Şurasının üzvü seçilib. Amma gər kəs bilir ki, bu təsisçilik formaldır, 49 faiz səhm gerçəkdə baş prokuror Zakir Qaralovun mülkiyyətidir, hər halda onun adı hallandırmaqla bu konqlomeratın sahibinin gerçək kimliyi ört- basdır edilir. Əslində buraya qədər təsvir etdiyim bu krossvorddan da bir şey anlamaq mümkün deyil ki, kim nəyin haraya qədər sahibir və ya deyil. Akkord Korporasiyasının icraçı direktoru Bürhan Həmidov adlı bir cənabdır. Bu təyinatdan əvəl Bürhan Həmidov Akkord Hidrotechnical Construction Company MMC-yə rəhbərlik edib. Ondan əvvəl isə bu vəzifəyə Türkiyə vətəndaşı Göksel Aybek gətirilmişdi.
Burda bəzi xırda dələduzluq faktlarını da əlavə etməklə baş prokurorun adı ilə hallandırılan, dolaşıq təsisçilik- səhmdarlıq labirintləri ilə Akkordun İlham Əliyevin ailə şirkətlərindən biri olduğunu gizlətmək üçün min cür hiylə- fırıldaq işləklərindən sadəcə dəryada damla qədər olsa da, ədviyyat əvəzi olsun. Nədir bu xırda faktlar ? Məsələn, Qazax sement zavoduunun faktiki maya dəyəri 155 milyon avro olsa da, Avropadan gələn bolqar əsilli bir iş adamı 15- cə milyon rüşvət verərək bu zavodu 370 milyon avroya qiymətləndirib. Üstəlik, hımin auditora «Həyat » yaşayış massivində 5 otaqlı bir mənzil də hədiyyə ediblər ki, Bakıya yolu düşəndə otelllərdə gicələk qalmasın. Akkordun balansında bir də Moskvada qiymıəti təxminıən 1 milyard dollar olan, 120 min kvadrat netrlik 6 mərtəbəli ticarət mərkəzi, toplam qiyməti 500 milyon dollar olan və hər biri 300 və 800 otaqlı olmaqla iki otel, qiyməti 1 milyard dollara yaxın olan 18 binadan ibarət yaşayış kompleksi tikintisi layihəsi də var. Moskvadakı bu biznes layihələrinin idarəetməsi isə Gürcüstan əsilli iş adamı olan Vaqif Məmişova və Zakir Qaralovun iki oğluna həvalə edilib. Peterburqda məskunlaşmış Vaqif Məmişov isə Azərbaycan mənşəli çirkli pulların Rusiyada dövriyyəsi ilə məşğul olan iş adamlarından sayır və onun Azərbaycandakı kuratoru Zakir Qaralovdur, Rusiyadakı kuratoru isə Rusiya Federasiya Şurasının sədri Valentina Matviyenkodur… Söhbətin Qaralovla bağlı hissəsini yekunlaşdırmaq üçün ötən proqramda dediyim bir fakta görə izləyicilərimizdən birinin düzəlişini də xatırlatmalıyam. Ötən proqramda Zakir Qaralovla azərbaycan əsilli yəhiudi iş adamı Qod Nisanovun arasındakı ziddiyətlərdən danışmışdım və bildirmişdim ki, Qod Nisanov birinci şəxsə, Azərbaycanda İlham Əliyevə, Rusiyada isə Vladimir Putinə çıxışı olan iş adamlarından olduğu üçün Zakir Qaralovun ona güc gəlməsi mümkün deyil. İzləyicilərimizdən biri bu faktı dəqiqləşdirərək mənə bildirdi ki, gerçəkdən, Qod Nisanova ilişmək Zakir Qaralovun başı üçün deyil, çünki onlar Əliyev ailəsinə çox yaxındırlar. Hətta Arzu Əliyeva ilə Səməd Qurbanovun toy günündə Qod Nianov evlənən gənclərə qiyməti 600 min dollardan artıq olan kabriolet Rolss – Roys bağışlayıb. İndi Azərbaycanda bu avtomobillərdən daha biri, ağ rəngli kabriolet Rolls- Roys Leyla Əliyevanın qarajındadır, amma bu maşınlardan onlar demək olar ki, istifadə etmirlər. Bu da bir lüksdür.
- Rəqəmlər başınızı gicəlləndirə bilər, amma təəssüratınızı dəqiqləşdirmək üçün bu yazını bir daha başdan ayağa qədər oxuyun