İntihar, yoxsa…
Aprelin 7-də Kür çayının Mingəçevirdən keçən hissəsində kişi meyiti aşkar edilib. Kimliyi məlum olmayan meyit sahilə çıxarılıb. İlkin araşdırmalar zamanı məlum olub ki, meyiti tapılan şəxs şəhərin M.Ə.Sabir küçəsi, 6 ünvanının sakini, 2004-cü il təvəllüdlü Ruslan Məhərrəm oğlu Abbasovdur.
Qeyd edək ki, Mingəçevir şəhər 9 saylı orta məktəbin 10-cu sinif şagirdi olan Ruslan Abbasov bu il martın 4-də yaşadığı evdən çıxaraq bir daha geri qayıtmayıb. Mərhumun atası Məhərrəm Abbasovun sözlərinə görə, oğlu qeyd olunan tarixdə evdən məişət tullantılarını atmaq məqsədilə çıxıb. Bu zaman nə mobil telefonunu, nə də daim istifadə etdiyi eynəyini belə götürməyib.
Faktla bağlı Mingəçevir şəhər Prokurorluğunda araşdırmalara başlanıb.
Azər