Bəxtiyar Hacıyev
GONGO 2.0
Prezident Qeyri-Hökumət Təşkilatlarına Dövlət Dəstəyi Şurası əsasında “Qeyri-Hökumət Təşkilatlarına Dövlət Dəstəyi Agentliyi” publik hüquqi şəxs yaradılması barədə fərman imzaladı.
Agentliyin Müşahidə Şurasının 11 üzvündən 8-i QHT təmsilçisi, 3 nəfər isə dövlət orqanlarının nümayəndələri olacaq.
Prezident tərəfindən formalaşdırılan, üzvləri prezident tərəfindən vəzifəyə təyin və vəzifədən azad edilən, üstəlik 3 üzvü dövlət qurumlarının təmsilçiləri olan QHT-lərə Dövlət Dəstəyi Agentliyi vətəndaş cəmiyyətinin müstəqil inkişafına dəstək verə bilərmi, dövlət qurumları, hakimiyyətin fəaliyyəti üzərində ictimai nəzarət həyata keçirəcək layihələrə dəstək ala bilərmi?
Bildiyim qədər uzun müddətdir vətəndaş cəmiyyətində tanınmış, müstəqil, beynəlxalq əlaqələri yaxşı olan bəzi şəxsləri bu prosesə cəlb edib, cəmiyyətdə islahatların olacağı ilə bağlı görüntü yaratmağa çalışırlar. Onların bəzilərini bu Agentliyə də cəlb edəcəklər.
Ancaq nə edilməsindən asılı olmayaraq, beynəlxalq donorların ölkəyə buraxılmadığı, müstəqil şəxslərə qarşı min təzyiqin olduğu mühitdə Əli Həsənovun GONGOlarını yetişdirdiyi Şuranı Agentliyə çevirməklə sadəcə Paşayevlərin GONGO 2.0-lərini yetişdirməyi müşahidə edəcəyik. Proses çoxdan gedirdi, indi kartların açılacağı məqam çatıb.