Mübariz Məsimoğlu
- Ümidim göydə Allaha yerdə sənədir. Dünən bu sözləri mənə Şamaxı Rayon Məhkəməsindən çıxanda Turanə dedi. Bu gün yatmış yerdə qulağıma həmin yalvarışın dalğası çırpıldı. Yuxudan duk atıldlm. Saat düz beş tamamdı. Yazmaq qərarına gəldim. 2005 – cı ildən 2019 – cu ilə kimi, yəni nümayəndəlik inistitutu qanunsuz olaraq qanunla qadağan edilənə kimi təqribən 600- yaxın məhkəmə işi aparmışam. Onun səksən faizini udmuşam. Bu səksən faizin 40 faizini barışıqla həyata keçirmişəm. Ailələrin dağılmasına bacardıqca yol verməmişəm. Çünki bu məşəqqətli zamanda ailə dağılmasının daha artıq faciələrə səbəb olmasının fərqində olmuşam. Və heç vaxt jurnalistliyimi hüquqa qatmamışam. Amma bu dəfə başqa çıxış yolu görmədiyimdən ya Allah qələm dedim.
Mirzəyevə Turanə Səid qızı Şamaxı rayon sakinidir. Orta məktəbi başa vurmasına imkan verməyiblər. 2008- ci ildə onu Şamaxı rayon Bağırlı kənd sakini Mirzəyev Ruslan İsaməddin oğluna 17 yaşında ərə veriblər. 2010 – cu ildə
Nikah bağlanıb. Həmin izdivacdan onun 3 övladı dünyaya gəlib. Böyük oğulunun11, qızının 9, kiçik oğlunun isə 5 yaşı var. Ərə getdiyi gündən məşəqqətləri başlayıb. Döyülüb, təhqir edilib, qul kimi işlədilib. Dəfələrlə atası evinə qovulub. Sonra yenə ər evinə aparılıb. Çəkisi təqribən 45 kq olar. Elə bil konslagerdə yaşayıb. Hər gün 12 inəyə qulluq edib. Nə qədər yun yuyub.
Sonuncu dəfə 2020 – cu ilin may ayında yunu yaxşı yumadığı üçün əri tərəfindən ölümünə döyülərərək gecə saat 11 radələrində evdən qovulub. Ancaq kiçik oğlunu özü ilə götürə bilib.
Ümid edib ki, bu dəfə də həmişəki kimi olacaq.. bir müddət susub. Sonradan Ruslan ondan ayrılmaq üçün məhkəməyə müraciət edib. Turanə də qarşılıqlı iddia ilə məhkəməyə müraciət edib ər evində qalan iki balasını almaq istəyib. Və iş xeyli uzanıb. Araya pandemiya düşüb. Turanə balalarının üzünü görə bilməyib. Daha dorusu, qarşı tərəf buna imkan verməyib. Məhkəmə, polis və sair orqanlar ananın fəryadını eşitməyiblər. Vəkili qarşı tərəfin xeyrinə fəaliyyət göstərib.
Məni Turanənin atası Səid kişilə bu ailənin yaxın bir adamı tanış edib. O adam mənə də doğma adamdı. 15 gün bundan əvvəl iş materialları ilə tanış oldum. Sözün həqiqi mənasında dəhşətə gəldim. Qarşı tərəf Turanəyə alinent verməmək üçün uşaqlarını ondan almaq və üstəlik kişiliyinə yaraşdırıb arvaddan aliment almaq planını işə salıb. Əvvəl bu işi Samaxı Rayon Məhkəməsinin hakimi Etibar Hümbətov aparıb. İndi iş Natiq İsmayılovdadır. Məhkəmə dünənə salınmışdı. İki vəsatət yazıb Turanəyə vermişdim. Özüm də zalda oturmuşdum. Vəsatətlər əsaslı idi.
Belə ki, iş materiallarının arasında ekspert rəyi var. Tam qurama bir rəydi. Bu rəyə görə, guya uşaqlar anasını yox, atasını istəyirlər. 9 və 10 yaşlı iki uşağı guya ekspert dindirib. Hər iki uşaq gah biz anamızı istəmirik, gah da Turanə bizi atıb gedib deyir. Atamla, nənəmlə daimi dalaşıb sözünü eyni cür təkrarlayıblar. Mən rəyi oxuduqdan sonra Turanədən soruşmuşdum. Evdə uşaqlar sənə necə müraciət edirdilər? – Mama deyirdilər – demişdi. Eyni zamanda mənim əlimdə Turanənin Şamaxı Rayon Mərkəzi Xəstəxanasında uşaqlarla həkim nəzarəri altında görüşərkən çəkdiyi disk var idi. Qayınatası və əri tərəfindən Turanənin qızının əşya kimi həkimin qabağına atılması səhnəsi əks olunub həmin diskdə. Eyni zamanda uşaqların Turanəyə şeir demələrini əks etdirən disk də var. Nə isə, mən birinci vəsatətdə sübut növü kimi həm disklərin, həm də Turanənin bu vaxta kimi müxtəlif dövlət orqanlarına göndərdiyi ərzələrin surətini iş materiallarına əlavə edilməsini, ikinci vəsatətdə təkrar ekspertizanın keçirilməsini və 9 yaşlı qızın təhqiqtdan kənarlaşdırılaraq anasına verilməsi barədə birbaşa qətnamə qəbul edilməsini xahiş etmişdim. Təbii ki, Turanənin adından. Məhkəmədə ata buna etiraz etmədi. Atanın atası isə etdi. Üstəlik, zalda etdiyi hərəkətin jestlərini təkrar etdi. Həmçinin, dedi ki, mənim oğlum xalça – palaz satır həftələrlə evdə olmur. Hakim bütün bunlara heç bir reaksiya vermədi… ekspert barədə verilən vəsatəti rədd etdi. Sübut növləri barədə verilən vəsatətlə bağlı heç nə demədi. Amma disklərə baxış keçirmədi. Həmçinin, tərəfə aşkar şəkildə kömək edərək iddia tələbinin dəqiqləşdirməsinin lazım olduğunu dedi və diqtə edib istədiyi kimi yazdırdı. Sonra hazır qətnaməsini oxudu. İki uşaq atada, bur uşaq usə anada qalasın.
Mən vəsatətdə qeyd etmişdim ki, BMT Məclisinin 20. 11. 1959- cu il tarixli, 1386 nömrəli qətnaməsilə qəbul edilmuş” Uşaq hüquqları haqqında” Bəyannamənin 6- cı prinsipinə görə azyaşlı uşaq, müstəsna şərait movcud olduğu hallardan başqa, anasından ayrılmamalıdır. Bu prinsipin mənəvi – psixoloji əsaslandırması movcuddur. Əks təqdirdə BMT tərəfindən bütün dünyaya ünvanlanan belə bəyanat verilməzdi. Belə ki, birincisi, uşaq təbiətinə görə ata ilə müqayisədə anaya daha çox bağlıdır və anaya daha çox ehtiyacı var; İkincisi, ana təbiətinə görə ata ilə müqayisədə uşağa daha çox bağlıdır və uşağa daha çox ehtiyacı vardı. Hazırkı işdə isə məni və uşaqları bir- birimizdən ayırmaq üçün müstəsna şərait movcud deyildir. Atanın malik olduğu imkanlar ( mənzil, şərairi, daimi qazanc və. S) ana nəvazişini və qayğısını əvəz edə bilməz.. ” Uşaq hüquqları haqqında ” Konvensiyanın 3 – cü maddəsinin 1- ci hissəsində qeyd olunub ki, uşaqlar barəsində bütün tədbirlərdə əsas diqqət uşaq mənafelərinin yaxşı təmin edilməsinə yönəlməlidir. İstər bu tədbirlər sosial təminat məsələləri ilə məşğul olan dövlət idarələri və ya özəl müəssisələr tərəfindən görülsün, istərsə də məhkəmələr, inzibati və ya qanunvericilik orqanları tərəfindən. Eyni zananda Azərbaycan Respublikası Ailə Məcəlləsinin 52- ci maddəsində yazılıb: Uşaq ailədə onun maraqlarına toxunan istənilən məsələnin həlli zamanı öz fikrini bildirmək, habelə məhkəmə istintaqı, inzibatı araşdırmaların gedişində dinlənilmək hüququna malikdir. Onun maraqlarına zidd olan hallar istisna olmaqla, 10 yaşına çatmış uşağın fikri mütləq nəzərə alınmalıdır. Bu məcəllə ilə nəzərdə tutulmuş hallarda məhkəmə və ya qəyyumluq və himayə orqanı yalnız 10 yaşına çatmış uşağın razılığı ilə qərar qəbul edə bilər. Çox aydın yazılıb. Amma bizim məhkəməyə bu aydınlıq lazım deyil. Qatı zülmət lazımdır. Saat artıq 07. 27 – dir. Nöqtəni qoyuram və dostlardan xahiş edirəm bu yazını bacardıqca daha çox paylaşsınlar. Turanə çox şeydən olub. Heç olmasa balalarından olmasın. Mübarizə davam edir…