İqtisadçı alim Qubad İbadoğlu
9-cu yazı (Xocavənd rayonu)
Xocavənd rayonunda işğaladək mövcud olan 82 yaşayış məntəqəsindən 15-i qalacaq. Onların siyahısını təqdim edirəm:
- Hadrut q. (Hadrut q., Dağdöşü, Edişə, Günəşli, Qırmızıqaya, Qoçbəyli, Tağaser, Çinarlı, Quşçular) – 9
- Tuğ (Tuğ, Ağdam, Ataqut, Binə, Çiraquz, Məmməddərə, Susanlıq, Hünərli) – 8
- Azıx (Azıx, Şexer, Zoğalbulaq, Böyük Tağlar, Salakətin) – 5
- Edilli (Edilli, Bulutan, Düdükçü, Axullu, Məlikcanlı, Xırmancıq, Ağbulaq) – 7
- Sor (Sor, Şahyeri, Dərəkənd) – 3
- Arakül (Arakül, Binədərəsi, Bünyadlı, Cilən, Daşbaşı, Mülküdərə) – 6
- Dolanlar (Dolanlar, Arpagədik, Çaylaqqala, Ağcakənd, Köhnə Tağlar) – 5
- Cütcü (Cütcü, Sos, Xərxan, Zavadıx) – 4
- Qırmızı Bazar q. (Qırmızı Bazar q., Çağadüz, Qarqar, Şıx Dursun, Tağaverd, Zərdanaşen) – 6
- Qarazəmi (Qarazəmi, Arpadüzü, Gavahın, Quzumkənd, Ağbulaq) -5
- Güneyxırman (Güneyxırman, Xanoba, Güneyçartar, Quzeyxırman, Quzeyçartar) – 5
- Qaradağlı (Qaradağlı, Cəmiyyət, Kəndxurd, Kiş, Müşkapat) -5
- Mirikənd (Mirikənd, Avdur, Çörəkli, Qağartsi, Qarıtəpə) – 5
- Qarakənd (Qarakənd, Ağkənd, Heşan, Yemişcan, Yenikənd) – 5
- Xocavənd ş. (Xocavənd ş., Əmiranlar, Kuropatkino, Muğanlı) – 4
Xatırladım ki, “Ərazi quruluşu və inzibati ərazi bölgüsü haqqında” Azərbaycan Respublikası Qanunun 13-2.1. maddəsinə görə “İnzibati ərazi vahidləri qeydə alındıqda, birləşdikdə, inzibati tabeliyi dəyişdirildikdə, onlara ad verildikdə və ya adları dəyişdirildikdə hər bir ərazi vahidinin ərazisində yaşayan və səsvermə hüququna malik olan vətəndaşların azı 25 faizinin müvafiq məsələyə münasibət bildirməsini təmin edən yığıncaq (yığıncaqlar) keçirilir.”
Qanunun 13-2.2. maddəsinə görə, “Yığıncaqda (yığıncaqlarda) iştirak etmiş vətəndaşların yarısından çoxu ərazi vahidinin qeydə alınmasının, birləşməsinin, inzibati tabeliyinin dəyişdirilməsinin, ərazi vahidinə ad verilməsinin və ya onun adının dəyişdirilməsinin “lehinə” səs verdikdə müvafiq qərar qəbul edilir.”
Qarabağ erməniləri ilə infrastruktur və digər məsələlərin müzakirəsinə hazır olduğunu bəyan edən Azərbaycan hakimiyyəti təəssüf ki, eyni yanaşmanı məcburi köçkünlərə münasibətdə sərgiləmir, azərbaycanlılarla nə yaşayış məntəqələrinin birləşdirilməsi, nə də mülkiyyət hüquqlarının bərpası barədə müzakirələr aparılmır.