Олмазорда нега хотин болалари ва ўзини ўлдирди?

«Olmazor City» турар-жой мажмуасида  иккинчи хотин сифатида  имом никоҳи асосида яшаб келган хотин икки фарзандини 4-қаватдан ташлаб, ўзини 8-қаватдан ташлаб ўз жонига қасд қилди. 

Дастлабки маълумотларга кўра, марҳум аёл қурилиш моллари савдоси билан шуғулланувчи эркакнинг иккинчи хотини бўлган. Унинг шаръий турмуш ўртоғи Жомий бозорида савдо-сотиқ орқали кўп маблағ топиб, бойиб кетган. Аввалига эркак бир неча марта Ҳаж ва Умра сафарига бориб келгани билан ўзини диндор сифатида намоён этган. Шу боис ислом қоидаларига таянилган ҳолда иккинчи бор уйланиб, икки фарзанд кўрган.

Бу рижол ёшгина иккинчи хотин билан чекланмасдан, бир неча бор хотин олиб талоғини берган. Фожиа қурбонини ўз жонига қасд қилишига сабаб бўлган воқеа эса  бундай. 

Эркак иккинчи хотинининг 21 ёшли синглиси билан яширин шаръий никоҳдан ўтиб қизга  уй-жой ва автомашина ҳам олиб берган.

Мана шу воқеа иккинчи хотин рашкини келтирган  ва хотин бу ҳолатга чидашга ва сабр қилишга қуввати етмасдан икки нафар болачаларини 4-этаждан ташлаган. Ўзи эса 8-этаждан сакраб ўлган. 

Ҳозирда бир ярим ва уч ёшдаги болалар шифохонанинг жонлантириш бўлимида экан. Албатта уларга барча зарур тиббий ёрдам кўрсатилмоқда.

Бу каби ҳолат биринчиси эмас, 2023 йилнинг апрел ойида ҳам Сергелида иккинчи хотин уч нафар боласини ва ўзини 9-этаждан ташлаб вафот этган эди. Унинг имом никохида бўлган эри эса ўтган йили учинчи маротаба уйланди.