Тожикистонда тўрт боласини ўлдирган аёл 20 йилга қамалди

29 июндан 30 июнга ўтар кечаси Тожикистонда 27 яшар хотин 4 боласини ўлдирди. 

Ҳалимова Мадина ўзи ва болаларини Сухоб дарёсига ташлаган. Болаларнинг кенжаси 3 ойлик, тўнғичи беш яшар эди. Тўрт нафар бола чўкиб ўлди, «она» тирик қолган.

Мадинанинг эри оилада ҳеч қандай келишмовчилик бўлмагани, иккинчи хотини ҳам йўқлигини таъкидлади. Яқин қариндошлар Мадинанинг руҳиятида ўзгариш бўлганига ишонмоқда. Бироқ суд аёлнинг эс-ҳуши жойидалигини тасдиқлади.

Орадан тўрт ой ўтиб суд бу аёлни 20 йилга озодликдан маҳрум қилди. Суиқасд сабаблари ҳалигача номаълум қолмоқда.