Муҳаббат Назар: Мадуронинг аҳволи аянчли

Ўттиз миллионлик Венесуэла давлати бошидаги Мадуронинг аҳволи ҳақиқатдан барбод. Уни самалётдан қўлларида кишан билан туширилгани,  шиппак кийдириб қўйилган расмлари, интернетга тарқатилгани бир давлат эътибори, бир миллат шаъни учун мислсиз зарба бўлган. 

Эроннинг ўлган президенти Райиси вертолётда портлаб, жасади жарлик ва тоғлар орасида, хафталаб қолиб кетганида ҳам,  эрон давлатининг номи вахшатли даражада кирланганди. 

Ўша кунларда эронлик одамлар, ўз президентини қидириш қутқарув ишларига деярли қўшилмаган, ёрдам беришни  ҳоҳлашмаган. Кўпчилиги, асосан, чеккада туриб кузатишган. 

Ман, ўшанда хайрон қолгандим. Инсон бошқа шахсни ёмон ё яхши кўриши мумкин. Лекин, эронликлар давлат бошидаги президентига хурмат кўрсатишга мажбур эдилар.

Ва айниқса, дунё майдонида, жахон афкор оммаси қаршисида  Эрон давлати мақомини ўз халқи ҳимоя қилиши керак эди. 

Давлатга бўлган бурчларидан  бири эди~ бу.

Аммо, эронликларда ачиниш ҳисси сезилмаганди. Худди, Мадуронинг тутилганига венесуэлаликлар хурсандлиги каби, эронликлар ҳам  ўз президентларининг ўлимини байрам қилишди. 

Албатта, бу манзараларни оқлаб бўлмайди. Бу ҳаракатлар ижтимоий мўътадилликдан дарак бермайди.

Аммо шуниси ҳақиқат, Мадуро ва балки, Райиси,  ўз вақтида давлат бошқарувини шахсий ширкатини бошқаргандай бошқармаганида, эхтимол бу куйларга тушмас эдилар. 

Яна ким билади, дейсиз.

Экранлардаги Венесуэла халқининг байрамона кайфиятини, воқеаликка бепарво муносабатини кузатиб, шундай хулосадим.