Роберт Фицо: Трампнинг ҳаракатлари хавфли

Politico нашри хабарида айтилишича, Роберт Фицо Доналд Трамп билан Флоридадаги учрашувдан кейин унинг ҳолатидан «ҳайратда қолган». 

Гап шундаки, Словакия бош вазири Роберт Фицо АҚШ президенти Доналд Трамп билан Флоридадаги Мар-а-Лаго қароргоҳида бўлиб ўтган учрашувдан кейин, Брюссельдаги Европа Иттифоқининг фавқулодда саммитида, айрим европалик етакчиларга Трампнинг руҳий ҳолати уни жиддий хавотирга солганини айтган.

Нашр манбасига кўра, Фицо Трампни хатто «хавфли «деб таърифлаган.

Ва у бу фикрини расмий баёнотда эмас, балки саммит давомидаги ёпиқ ва норасмий суҳбатларда айтилгани таъкидлаган. 

Қизиғи шундаки, Роберт Фицо, одатда, Трампга нисбатан илиқ муносабатда бўлган европалик сиёсатчилардан бири ҳисобланади.

Шу сабабли унинг бундай баёноти айрим Европа етакчилари орасида ҳайрат уйғотган.

Бироқ, кейинчалик Роберт Фицо бу хабарларни рад этган. У ўзи ҳақда тарқалган ушбу маълумотларни асоссиз деб атаб, Трамп ҳақида бундай гапларни айтмаганини билдирган.