Мирободда касалхона қурган усталар маошсиз қолди

Тошкент шаҳар Миробод тумани  Шаҳрисабз кўчаси, 8 манзилида жойлашган кўп тармоқли шифохона қурилишида иштирок этган 500 дан ортиқ ишчининг 4 ойлик иш ҳақи тўлаб берилмаяпти.

Сентябрдан декабргача бўлган ойликни янги йил байрамига яқин тўлаб бериш ваъда қилинди.  Бироқ айтилган муддатдан 10-15 кун ўтиб ҳам пулдан дарак йўқ. 

Қурувчи уста ишчилар адолат сўраб прокуратура, бандлик вазирлиги ва Тошкент шаҳар ҳокимлигига бир неча бор мурожаат қилишди.  Натижа нолга тенг.

Объект олдида пулини ололмаганидан норози эркаклар йиғилиб турибди. Беш юзлар атрофидаги ишчиларнинг 4 ойлик маоши давлат бюджети учун от билан туя нархи бўлармиди?  Масъуллардан муаммони зудлик билан бартараф этиш ва қурилиш пулини ўмарган ўғриларга чора кўриш сўралади.