ايران .. ملالي أم علمانية ؟!!
فى أواخر السبعينات اندلعت مظاهرات عارمة فى إيران قام بها يساريون واسلاميون لمدة عام تسببت فى انهيار حكم الشاه ووصول الإسلاميين للحكم حاجة كدة شبه إللى حصل فى مصر جزئيا كنتيجة مش تفاصيل
المظاهرات الحالية فى إيران حلوة قوى للشباب المصرى إللى يحب "يحتوى" اللاجئات لو الموضوع اتطور خصوصا المصريين إللى اسمهم "على" و "حسن" و "حسين" ، كمان إللى بيبص للموضوع بمنظور طائفى هيفرح جدا لو عربى سنى ويزعل جدا لو عربى شيعى
انا كمصرى حتبقى مشاعرى متقلبة جدا ، إيرن كدولة ملالى دولة ضعيفة ومش حتفيدها البروباجندا الكاذبة عن قوتها ساعة لحقيقة ، إيران كدولة علمانية دولة قوية جدا ستستغل قدراتها بطريقة أفضل مليون مرة وستخضع الخليج حرفيا ، لكن فى نفس الوقت ستكون قبلة الحياة لاحلال السلام والقضاء على التطرف السنى فى العالم العربى و إعادة وحدة السنة والشيعة العرب واختفاء خطاب الكراهية (احتمال كبير ووارد) ، إيران كدولة علمانية ستكون أفضل لجذب الاستثمارات والعمل هناك ، لكن ستختفى دبى ، ويختفى غاز قطر لانها لن تستطيع استغلال حقل الشمال بحرية ، وفوق كدة كمان مفيش صفقات سلاح من روسيا او امريكا للخليج وإيران ، ومفيش حجة لقواعد هاك ( حجة شكلية ) ، وإسرائيل مش حتلاقى لبانة وجود تهديد إيرانى وشغل الصعبانات إللى هى محترفة فيه
هل أفضل لمصر إيران دولة ملالى ام دولة علمانية؟ لا أعرف ، وجود دولة ملالى بتخلى العرب يدعموا مصر لكن فى نفس الوقت نفضل كمصريين محرومين من أى تعامل مع إيران ، وجود إيران دولة علمانية حيخلى الخليج يقوى علاقته بإيران على حساب مصر ، الحاجة الوحيدة إللى تريح اننا منقدرش نؤثر على الأحداث فى إيران بس على الاقل نرسم سيناريوهات للتعامل مع أى نتيجة تخرج بيها الأحداث