فتاة في سجن طرة
ملك الكاشف، فتاة سنها لم يتجاوز ال20 عام، متحولة جنسياً، يعني ببساطة اتولدت ولد وبعدها عملت عمليات لتغير او تحويل جنسها لبنت.
ملك حالياً محجوزة في سجن طره المزرعة للرجال في حبس انفرادي، الحراس والظباط ومأمور السجن والمفتش والمسؤولين والمساجين وكل الي معاها في السجن رجالة، وهي هيئتها وجسمها بالكامل بنت، ولكم ان تتخيلوا ماذا يحدث لفتاة وحيدة ضعيفة الجسم والصحة وسط كل الرجالة دول!
للأسف ملك لسه مكتوبة ذكر في البطاقة ودا نظراُ لانه اجراءات تغير الورق في مصر بتاخد وقت طويل وملك ملحقتش تغير ورقها قبل ما يتقبض عليها، مع انها معاه كل ما يثبت طبياً انها متحولة جنسياً وانها بنت ولكن طبعاً كل داميفرقش او مع المسؤولين، مادام مكتوبه في البطاقة ذكر فهيتم حجزها في سجن الرجالة ومش مهم اي حاجة تاني. الجدير بالذكر انه ملك قبلها بكام شهر دخلت المستشفي وبرضه في المستشفي اصروا انهم يحجزوها في عنبر الرجال.
*ملك اتقبض عليها لأنها من القلة القليلة جدا الي نزلوا مظهرات الجمعة الي كانت بعد حريق القطار، نزلت عشان تطالب بحق الناس الي اتحرقت حيه، واتقبض عليها بعدها*
انهاردة 31 مارس ودا يوم الظهور العالمي للترانس، ودي فرصة كويسة عشان نوضح نقاط مهمه بما انه معظم العرب بيعتبروا التحول الجنسي شيء كوميدي ومثير للسخرية.
اولا، التحول الجنسي مش مرض نفسي، ولا جنون ولا اضطراب عقلي..
الرغبة في تغير الجنس له اسباب كتير، منها اسباب بيولوجية وهرمونية..
ثانياً، المتحول جنسياً، شخص طبيعي جداً، زيه زينا، عنده مشاعرة وعقل، بشر، مش شخص غريب، فا بالتالي لازم يكون له حقوق ولازم يكون له فرصة انه يعيش حياة طبيعية ولازم يكون له فرصه انه اما يقرر يصحح او يغير جنسه يلاقي مساعدة في انه يعمل دا بسهولة وبدون تعذيب جسدي او نفسيمن المجتمع.
وفقاً لويكبيديا،فمعظم بلاد أوروبا بتعطي الحق للمتحولين جنسياً في تغير شهادات ميلادهم وتغير اسماءهم بسهولة، وبتعطيهم الحق كمان في الزواج وفقاً لجنسهم بعد التحويل، كرواتيا،التشيك،الدنمارك،فنلندا،فرنسا،ألمانيا،ايرلندا،إيطاليا،هولندا،النرويج،بولندا،البرتغال،رومانيا،السويد،إسبانيا،تركيا،والمملكةالمتحدةجميعهميعترفونبهذاالحق.
ثالثاً، المتحول جنسياً بيمر بمراحل كتير اوي، علاج هرموني، وعمليات تصحيح وعمليات تجميل، والاستمرار بعدهم برضه في اخذ ادوية هرمونات وادوية نفسية، وعلاج نفسي، ويقال انهم بيكونوا عرضه للانتحار اكتر من غيرهم بسبب الي بيواجهوا في حياتهم من صعوبات ورفض وعدم قبول وتنمر نتيجة عدم استيعاب المجتمع او الاهل او الاصحاب للتحول الجنسي..
بغض النظر عن كل المعلومات العلمية الي ممكن أي حد يلاقيها بمنتهي السهولة اما يدور علي النت لو حابب يفهم يعني ايه تحول جنسي، وانه التحول الجنسي مش مرض، بس ببساطة جدا المتحول الجنسي بيأذي المجتمع في ايه عشان المجتمع يرفضه بهذا الشكل العقيم.
بعد ما ملك الكاشف اتقبض عليها وبدأت الصفحات الحقوقية تكتب عنها وتطالب بحقها، 99% من الكومنتاتبتتريق عليها وعلي وضعها وعلي كًنها متحولة جنسياً، نادراً اما تلاقي حد متعاطف معاها ومع وضعها حالياً في سجن الرجال ومع حالتها الصحية والنفسية، مفيش سبب محدد واضح يشرح ليه المجتمع والبشر بهذا الشر لدرجة انهم يستخدموا نكت وتريقة علي وضع انسانه بتتعب حرفياً في سجن رجالة وهي انثي!
أكتبوا عن ملك وطلبوا بحقها، لأنه تستحق، علي الاقل ملك عمرها ما أذت حد ونزلت طلبت بحقوق الغلابة الي اتحرقوا وهما لسه فيهم الروح، اكتبوا عنها لعل وعسي التدوين يغير شئ حتي لو طفيف.
