11 فبراير
يمكن في 2011 وبعد ضغط من الشارع وضغط من الخارج وايضا ضغط من الجيش "بالترتيب تصاعديا من حيث التأثير"على مبارك لقبول التنحي و تكليف عمر سليمان بالقاء البيان بدلا منه مما يدل انه اتخذ القرار مكرها
انفجرت الشوارع و البيوت و لميادين بالبهجه و سادت الاجواء الاحتفالية و قلت وقتها انه احتفال اشبه بفوزنا بكأس الامم الافريقية
لكن مكنش في رؤيه على ماذا بعد؟؟
و ما هو المكتسب من تسليم السلطة للمجلس الاعلي للقوت المسلحة و لماذا لم يمثل احد من رموز الثوره في مجلس تسلم السلطة ؟
و اين ائتلاف شباب الثورة و حكماء الثورة و باقي تنظيمات الثورة ؟
الشباب كانوا اضعف من رفض التنحي بهذه الصورة في ظل زخم وتجييش لفيضان احتفالي لا يمكن ايقافه للتفكير واختيار البدائل
النخب كانوا أقل كفاءه من فهم ما كان يحاك وسيطرت عليهم التيارات الدينيه لما لها من قدرات تنظيمية ومالية وبشريه غير موجودة لدى اي بديل مدني بعد 60 سنه من التجريف وضرب تنظيماتهم اول بأول
الشعب كان حديث عهد بما حدث وكان عايز يخلص من وقف الحال والخوف من المستقبل ، ده غير طبيعة حزب الكنبة السلبية الي بتنتقد اي تحرك يأتي من شباب اصغر منهم .. بيحسوها إهانه ان ولادهم يطلعو بيفهموا اكتر منهم ، بيشعرو بالحقد امام جيل بيسعى لحريات معرفهاش اجيال قبلهم وبيفضلو يقمعوا عيالهم علشان يعيشو زي ما هما عاشوا في السابق
الشعب اللي افكاره مليانه كشري .. امريكا عدو تريد الشر لمصر لكن عادي ناخد منهم اسلحه ومساعدات مالية بلمليارات .. المعارضة خائنة لو حد منها قابل مسئول امريكي او اسرائيلي او اوروبي او حتى عربي .. لكن الي في الحكم عادي يروحو ويسهرو ويتغدو ويباتو كمان ..
النظام مبيغلطش والرئيس اله طيب ووطني وحكيم وحازم طاهر اليد لا يجب محاسبته وهو اللي هزم اسرائيل لوحده وهذه الصفات تمتد لاولاده وحكومته وهتوصل حتى المحافظ ومدير الامن في محافظه الوادي الجديد
الشيخ كمان مبيغلطش وممكن يقولنا نعمل ايه من اول الشغل لغايه السرير وكله بما لا يخالف شرع الله
الشيخ لو اختلف مع الرئيس يبقي نسمع كلام الشيخ و بعدين نروح ندي صوتنا للرئيس
الشعب مش في دماغه مفاهيم ميعرفهاش ن الاساس .. فجأه لقي ناس بتتكلم على حقوق الانسان والحريه والدستور و تداول اسلطه واحزاب بجد وحكومات ائتلافيه واستفتاء وانتخابات لا وكمان نزيهة
... طبعا حاجات تمخول الدماغ وصعبه على الفهم البسيط للعقل اللي مقفول عليه 60 سنه .. فأسهل حاجه يعملو ايه؟
يبيعو الشباب ويرجعو تاني يحنو للاستبداد والقمع بحجه الاستقرار وعجله الانتاج
اذن شباب الثوره الضعيف والوحيد والي ملوش ظهير شعبي يحمي افكاره ويسانده لاتمام حلمه طبيعي انه يفشل
واما يفشل هيصدم في اهله و نخبته فيحبط واما يحبط ينهار ويفقد الامل انه ممكن ينجح تاني بعد ما خسرحلم كاد انه ينجح
السؤال هو هل لو حصل تغيير جديد وظهرت شعله امل تاني هل النخب والشعب هيخذلو الشباب تاني؟
.jpg?width=300&height=400&mode=crop)
