“ABŞ-dən Ukraynaya təhlükəsizlik zəmanəti onun ərazisində Amerika qoşunlarının yerləşdirilməsi demək deyil”.
Gununsesi.info xəbər verir ki, bunu ABŞ-nin NATO-dakı daimi nümayəndəsi Metyu Uitaker deyib.
“Nəhayət, qərar vermək Prezident Trampdan asılıdır. Bu, bir çox yöndən nəzarət və sair ola bilər. Bunun Amerika qoşunları olması lazım deyil”, – Amerika rəsmisi bildirib.
M.Uitaker qeyd edib ki, Ukraynaya təhlükəsizlik zəmanətini Avropa verməlidir:
“Onlar (Ukrayna) başa düşürlər ki, davamlı sülhə nail olmaq üçün onlara təhlükəsizlik zəmanəti lazımdır. Bunu avropalılar təmin etməli və yerinə yetirməlidir”.
