Mingəçevirdə yıxılaraq Kür çayına düşən 57 yaşlı kişi dünyasını dəyişib.
Gununsesi.info xəbər verir ki, hadisə Kür çayının Mingəçevir şəhərinin mərkəzindən keçən hissəsində baş verib.
Sahil parkı zolağında dolaşan 1969-cu il təvəllüdlü Yusifov Fikrət Hacıbala oğlu qəfildən Kür çayına yıxılıb.
FHN-nin xilasetmə qrupu batmaq üzrə olan şəxsi sahilə çıxararaq həkim briqadasına təhvil verib.
Xəstəxanaya çatdırılan şəxsin həyatını xilas etmək mümkün olmayıb.
Faktla bağlı araşdırma başlanıb.
