Connect with us
close

Hi, what are you looking for?

LuduNwayOo

သတင်း

ငလျင်ဒဏ်ခံစားနေကြရသော တူရကီနှင့် ဆီးရီးယား ပြည်သူများထံ NUG သဝဏ်လွှာပေးပို့

ဖေဖော်ဝါရီ ၆ ရက်တွင် ပြင်းအား ၇.၈ အဆင့်ရှိသည့် ငလျင်ကြောင့် တူရကီနှင့် ဆီးရီးယားနိုင်ငံအနောက်မြောက်ပိုင်းဒေသများသို့ သက်ရောက်မှုရှိခဲ့ပြီး အဆိုပါ ငလျင်ဒဏ်ကြောင့် ပြည်သူ ၈,၀၀၀ နီးပါး သေဆုံးခဲ့ရကာ ၄၀,၀၀၀ နီးပါး ဒဏ်ရာရရှိခဲ့သည်။

ငလျင်ဒဏ်ခံစားနေကြရသော တူရကီနှင့် ဆီးရီးယား ပြည်သူများထံ NUG သဝဏ်လွှာပေးပို့
ငလျင်ဒဏ်ခံစားနေကြရသော တူရကီနှင့် ဆီးရီးယား ပြည်သူများထံ NUG သဝဏ်လွှာပေးပို့

တူရကီနှင့် ဆီးရီးယားနိုင်ငံတို့ရှိ ငလျင်ဒဏ်ခံစားနေကြရသောပြည်သူများထံသို့ အမျိုးသားညီညွတ်ရေးအစိုးရ NUG ယာယီသမ္မတက ဝမ်းနည်းကြောင်း သဝဏ်လွှာပေးပို့သည်။

ဖေဖော်ဝါရီ ၆ ရက်တွင် ပြင်းအား ၇.၈ အဆင့်ရှိသည့် ငလျင်ကြောင့် တူရကီနှင့် ဆီးရီးယားနိုင်ငံအနောက်မြောက်ပိုင်းဒေသများသို့ သက်ရောက်မှုရှိခဲ့ပြီး အဆိုပါ ငလျင်ဒဏ်ကြောင့် ပြည်သူ ၈,၀၀၀ နီးပါး သေဆုံးခဲ့ရကာ ၄၀,၀၀၀ နီးပါး ဒဏ်ရာရရှိခဲ့သည်။

ငလျင်ဒဏ်ကြောင့် သေဆုံးခဲ့ရသူများအားလုံး၏ ကျန်ရစ်သူမိသားစုများနှင့်ထပ်တူ ဝမ်းနည်းကြေကွဲရပြီး ဒဏ်ရာရရှိသူများလည်း အမြန်ဆုံးပြန်လည်သက်သာကောင်းမွန်လာစေရေး မြန်မာနိုင်ငံသူ နိုင်ငံသားအားလုံးနှင့် အတူ ဆုတောင်းမေတ္တာပို့သပေးလျက်ရှိကြောင်း NUG ၏ သဝဏ်လွှာ၌ ဖော်ပြသည်။

ကူညီကယ်ဆယ်ရေးလုပ်ငန်းများကို စွမ်းစွမ်းတမံဆောင်ရွက်ပေးနေကြသော လူမှုအခြေပြုအဖွဲ့အစည်းများနှင့် ကယ်ဆယ်ရေးအဖွဲ့ဝင်များ၊ အချင်းချင်း အပြန်အလှန် ကူညီဖေးမခြင်းအားဖြင့် သဘာဝဘေးရန်ကို ညီညွတ်စွာ အံတုရင်ဆိုင်နေကြသော ပြည်သူများ၊ အခက်အခဲများစွာကြားကပင် စနစ်ကျသော ဦးဆောင်မှုဖြင့် ပြည်သူလူထုကို ကာကွယ်စောင့်ရှောက်မှုပေးနေသော တူရကီနှင့် ဆီးရီးယားနိုင်ငံမှ တာဝန်ရှိသူများ နှင့် လူသားချင်းစာနာထောက်ထားမှုအကူအညီများကို အချိန်မဆိုင်းပဲ ပေးပို့ကူညီကြသော နိုင်ငံတကာအဖွဲ့အစည်းများအားလုံးကို လေးစားဂုဏ်ယူ၊ ကျေးဇူးတင်ကြောင်းလည်း ဖော်ပြသည်။

တူရကီနှင့် ဆီးရီးယားနိုင်ငံရှိ ပြည်သူများအားလုံး လက်ရှိရင်ဆိုင်ကြုံတွေ့နေရသော သဘာဝ ဘေး အန္တရာယ်၏ ဖိစီးမှုများကို အမြန်ဆုံးအောင်မြင် ကျော်လွှားနိုင်ကြပါစေကြောင်းနှင့် နောက်နောင်တွင်လည်း သဘာဝကြောင့်ဖြစ်သော ဘေးအန္တရာယ်၊ လူကြောင့်ဖြစ်သော ဘေးအန္တရာယ်များမှ ကင်းဝေးကြပါစေကြောင်း ဆုမွန်ကောင်းတောင်းထားသည်။

You May Also Like

နိုင်ငံတကာ

ကလေးဟာ ၇ ပေါင်လောက် ကိုယ်အလေးချိန်ရှိပြီး နေ့စေ့လစေ့ ကာလလောက်မှာ မွေးဖွားလာတယ်လို့ ယူဆရပါတယ်။ လောလောဆယ် ဆရာဝန်တွေ စိုးရိမ်နေတာက ကလေးရဲ့ ကျောမှာ ရထားတဲ့ ဒဏ်ရာဖြစ်ပြီး နုနယ်တဲ့ ကျောရိုးကို ဒဏ်ဖြစ်သွားမှာကို စိတ်ပူနေကြတာလို့ သိရပါတယ်။

နိုင်ငံတကာ

ကမ္ဘာ့ကျန်းမာရေး အဖွဲ့ကြီး (WHO)ကတော့ တစ်ပတ်အတွင်း ငလျင်ကြောင့် သေဆုံးသူ အရေအတွက်ဟာ ၂၅၀၀၀ ကနေ ၃၀၀၀၀ နီးပါးလောက်ထိ မြင့်တက်လာမှာကို စိုးရိမ်ကြောင်း ထုတ်ပြန်ထားပါတယ်။

သတင်း

အကြမ်းဖက်စစ်တပ်သည် နိုင်ငံ့ပြဿနာများ အားလုံး၏ အရင်းအမြစ် ဖြစ်သည်ကို အားလုံး သိပြီးဖြစ်ကြောင်း ၎င်းကဆက်​ပြောသည်။ ထို့ကြောင့် တစုတစည်းတည်းအားကုန်ကြိုးစားနိုင်ရန် အတွက်ဘက်ပေါင်းစုံအားထည့်လုပ်ဆောင်သွားရန်ဝန်ကြီးချုပ်ကတိုက်တွန်းသည်။

သတင်း

ရှမ်းပြည်နယ်ရှိ ရှမ်းတိုင်းရင်းသားလက်နက်ကိုင်အဖွဲ့များဖြစ်​သော RCSSနှင့် SSPP တို့သည် ပြည်သူထုကို အကြမ်းဖက်နှိပ်စက်နေသည့် စစ်ကောင်စီနှင့် တွေ့ဆုံဆွေးနွေးမှုများပြုလုပ်နေသည်။