အာဏာသိမ်း မြန်မာစစ်ကောင်စီ လက်နက်မရောင်းချတာ ကာလကြာနေပြီလို့ စင်ကာပူနိုင်ငံခြားရေးဝန်ကြီးက ထပ်မံအတည်ပြုပြောဆိုလိုက်ပါတယ်။
မနေ့က စင်ကာပူ ပါလီမန်မှာ လွှတ်တော်အမတ်တစ်ဦးက စင်ကာပူဟာ မြန်မာစစ်တပ် လက်နက်ထုတ်ဖို့အထောက်အပံ့ဖြစ်စေတဲ့ ကုန်ကြမ်းတွေကို သယ်ယူရာမှာ အရေးပါတဲ့ကြားခံ နိုင်ငံဖြစ်နေတယ်လို့ဖော်ပြထားတဲ့အစီရင်ခံစာတစ်စောင်နဲ့ ပတ်သက်ပြီး မေးမြန်းမှုကို စင်ကာပူနိုင်ငံခြားရေးဝန်ကြီး ဖြေကြားခဲ့ရတာပါ။
အဲဒီအစီရင်ခံဟာကို ကုလအရေးကျွမ်းကျင်သူ တွေစုဖွဲ့ထားတဲ့ မြန်မာနိုင်ငံဆိုင်ရာအထူးအကြံပေးကောင်စီက ပြီးခဲ့ဲ့ဇန်နဝါရီလလယ်ပိုင်းကထုတ်ပြန်ခဲ့တာပါ။
အစီရင်ခံစာထွက်လာပြီး ရက်ပိုင်းအတွင်းမှာတင်ပဲ စင်ကာပူနိုင်ငံခြားရေးဝန်ကြီးဌာနဟာ မြန်မာစစ်တပ်ထံ စစ်လက်နက် ဒါမှမဟုတ် စစ်လက်နက်ဆက်စပ်ပစ္စည်းတွေကို လွဲပြောင်းပေးပို့တာမရှိဘူးလို့ တုံ့ပြန်ခဲ့ပါသေးတယ်။
စင်ကာပူဟာ ယခင်စစ်အစိုးရ လက်ထက်တွေမှာ စစ်ခေါင်းဆောင်တွေနဲ့ နီးစပ်တဲ့ဆက်ဆံရေး ရှိခဲ့ပေမယ့် တကျော့ပြန် အာဏာသိမ်းတဲ့စစ်ကောင်စီအပေါ်မှာ တင်းမာတဲ့သဘောထားရှိနေပါတယ်။
ကိုးကား − CNA
