ရန်ကုန် − မန္တလေးအမြန်လမ်းမှာ မနေ့ ညနေပိုင်း က ဒိုင်နာ ကားတစ်စီး တိမ်းမှောက်ကာ ၃ ဦး သေဆုံးပြီး ၁၀ ဦးထိခိုက်ဒဏ်ရာရတယ်လို့သိရပါတယ်။
အမြန်လမ်းရဲ့ ၂၉၆ မိုင် ၆ ဖာလုံမှာ ညနေပိုင်း ၅ နာရီ ၄၀ မိနစ်ခန့်က တိမ်းမှောက်တဲ့သတင်းရတာလို့ မီးသတ်က ဆိုပါတယ်။
![ဓာတ်ပုံ − MFSD](https://i0.wp.com/www.ludunwayoo.com/wp-content/uploads/2023/02/331174253_1222819355324006_4428702423220554704_n.jpg?resize=854%2C641&ssl=1)
တိမ်းမှောက်သွားတဲ့ ဒိုင်နာကားပေါ်မှာ အမျိုးသား ၅ ဦး၊အမျိုးသမီး ၉ ဦးစုစုပေါင်း ၁၄ ဦးလိုက်ပါလာတာဖြစ်ပြီး အမျိုးသား ၁ဦးနဲ့ အမျိုးသမီး ၂ ဦး သေဆုံးသွားတာပါ။
ဒဏ်ရာရသူ ၁၀ ဦးမှာ အမျိုးသမီး ၁ ဦးဟာ စိုးရိမ်ရတယ်လို့ မီးသတ်က ဆိုထားပါတယ်။
![ဓာတ်ပုံ − MFSD](https://i0.wp.com/www.ludunwayoo.com/wp-content/uploads/2023/02/330918096_1609958512777963_1843280890288826530_n.jpg?resize=854%2C641&ssl=1)
မန္တလေးကနေ ဈေးဝယ်ပြန်လာတဲ့ ကားတိမ်းမှောက်တာဖြစ်ပြီး ဒဏ်ရာရသူတွေကို မိတ္တီလာဆေးရုံကိုပို့ဆောင်ထားတယ်လို့ မိတ္ထီလာမြို့နယ် ပြည်သာယာလူငယ်ပရဟိတအသင်းက စုံစမ်းသိရပါတယ်။
ယာဉ်ပေါ်လိုက်ပါလာသူတွေဟာ ပျော်ဘွယ်မြို့နယ် မင်းတဲရွာကဖြစ်တယ်လို့ သိရပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)