အမျိုးသားညီညွတ်ရေးအစိုး(NUG) ပြည်ထဲရေးနှင့်လူဝင်မှုကြီးကြပ်ရေးဝန်ကြီးဌာန ပြည်ထောင်စုဝန်ကြီး ဦးလွင်ကိုလတ်နှင်အဖွဲ့သည် ပဲခူးတိုင်းအတွင်းရှိ ရှေ့တန်းစစ်မြေပြင် တစ်နေရာသို့လာရောက်ခဲ့ကြောင်း Royal Peacock Column က ယနေ့ ထုတ်ပြန်သည်။
NUG၏ ပြည်သူ့လုံခြုံရေးနှင့်ကာကွယ်ရေးကောင်စီအဖွဲ့ဝင်လည်းဖြစ်သူ ဦးလွင်ကိုလတ်သည် မေလ ဒုတိယအပတ်အတွင်းက ပဲခူးတိုင်းရှိ royal Peacock Column ရှေ့ထွက်စစ်ကြောင်း၏ရှေ့တန်း စစ်မြေပြင်သို့ သွားရောက်ကာ ရဲဘော်များကို တွေ့ဆုံအားပေးစကားပြောကြားခဲ့သည်ဟု ဖော်ပြသည်။
![(ပဲခူးတိုင်းအတွင်းရှိ ရှေ့တန်းစစ်မြေပြင် တစ်နေရာသို့လာရောက်ခဲ့သည့် ဝန်ကြီးဦးလွင်ကိုလတ်အား တွေ့ရစဉ်။ ဓာတ်ပုံ - Royal Peacock Column)](https://i0.wp.com/www.ludunwayoo.com/wp-content/uploads/2023/05/350962975_809266276997280_1116454035108633195_n.jpg?resize=880%2C495&ssl=1)
![(ပဲခူးတိုင်းအတွင်းရှိ ရှေ့တန်းစစ်မြေပြင် တစ်နေရာသို့လာရောက်ခဲ့သည့် ဝန်ကြီးဦးလွင်ကိုလတ်အား တွေ့ရစဉ်။ ဓာတ်ပုံ - Royal Peacock Column)](https://i0.wp.com/www.ludunwayoo.com/wp-content/uploads/2023/05/350279944_956741471967226_1093454897620576678_n.jpg?resize=880%2C495&ssl=1)
![(ပဲခူးတိုင်းအတွင်းရှိ ရှေ့တန်းစစ်မြေပြင် တစ်နေရာသို့လာရောက်ခဲ့သည့် ဝန်ကြီးဦးလွင်ကိုလတ်အား တွေ့ရစဉ်။ ဓာတ်ပုံ - Royal Peacock Column)](https://i0.wp.com/www.ludunwayoo.com/wp-content/uploads/2023/05/350779092_814789476686216_5031843797041465866_n.jpg?resize=880%2C495&ssl=1)
![(ပဲခူးတိုင်းအတွင်းရှိ ရှေ့တန်းစစ်မြေပြင် တစ်နေရာသို့လာရောက်ခဲ့သည့် ဝန်ကြီးဦးလွင်ကိုလတ်အား တွေ့ရစဉ်။ ဓာတ်ပုံ - Royal Peacock Column)](https://i0.wp.com/www.ludunwayoo.com/wp-content/uploads/2023/05/350951886_828736802317282_8566903591669535427_n.jpg?resize=880%2C495&ssl=1)
ထို့ပြင် ဝန်ကြီးနှင့်အဖွဲ့သည်ကျေးရွာများသို့ သွားရောက်ပြီး ပြည်သူလူထုနှင့်တွေ့ဆုံကာ အမျိုးသားညီညွတ်ရေးအစိုးရ၏ တော်လှန်ရေးဆောင်ရွက်နေမှုလုပ်ငန်းစဉ်များကို ရင်းနှီးပွင့်လင်းစွာ ဆွေးနွေးခဲ့ကြောင်း ထုတ်ပြန်သည်။
ဝန်ကြီး၏ ခရီးစဉ်တွင် ပြည်သူ့ကာကွယ်ရေးတပ်မတော်(PDF)တောင်ပိုင်းတိုင်းစစ်ဦးစီး စောယှားဖောင်ဝှါး၊အမှတ်(၂) စစ်ဒေသခွဲ ဒုစစ်ဒေသခွဲမှူး ဦးတင်ဦး၊ဧရာဝတီတိုင်းကွပ်ကဲရေးတာဝန်ခံ ကောင်းကျော်တို့လည်း ပါဝင်ခဲ့ကြောင်း အသိပေးထားသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
ပြည်ထောင်စုဝန်ကြီးလာရောက်သည့်နေရာ ဒေသနှင့် ကျေးရွာများ၏ အမည်ကို ယခုထုတ်ပြန်ချက်တွင် ဖော်ပြမထားပေ။
တော်ဝင်ဒေါင်းစစ်ကြောင်း(Royal Peacock Column)သည်KNU တပ်မဟာ(၅)နယ်မြေအတွင်း ၌လည်း စစ်ရေးလှုပ်ရှားမှုရှိသည့်အဖွဲ့ဖြစ်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)