လီလီယန်/People’s Spring
ကမ္ဘောဒီးယားဝန်ကြီးချုပ်ဟောင်းဟွန်ဆန်သည် ဖမ်းဆီးထိန်းသိမ်းခံထားရသည့် ငြိမ်းချမ်းရေးနိုဗယ်လ်ဆုရှင် ဒေါ်အောင်ဆန်းစုကြည်နှင့် ဗီဒီယိုခေါ်ဆိုမှုမှတဆင့် တွေ့ဆုံစကားပြောခွင့်ရရန် အာဏာသိမ်းစစ်ခေါင်းဆောင်ကို တောင်းဆိုလိုက်သည်။
စစ်ကောင်စီခေါင်းဆောင်မင်းအောင်လှိုင်နှင့် ဟွန်ဆန်တို့သည် ယနေ့(မေလ ၇ ရက်)တွင် ဗီဒီယိုခေါ်ဆိုမှုမှတဆင့် တွေ့ဆုံစဥ် ယင်းသို့တောင်းဆိုခဲ့ခြင်းဖြစ်ပြီး စစ်ခေါင်းဆောင်က စဥ်းစားပေးမည်ဟု ဟွန်ဆန်က ၎င်း၏ဖေစ်ဘွခ်တွင်ရေးသားထားသည်။
![(ဟွန်ဆန်နှင့် အာဏာသိမ်းခေါင်းဆောင်တို့ မေ ၇ ရက်တွင် အွန်လိုင်းမှတွေ့ဆုံစဥ်။ဓါတ်ပုံ-ဟွန်ဆန်ဖေစ်ဘွခ်)](https://i0.wp.com/www.ludunwayoo.com/wp-content/uploads/2024/05/438129038_775999077932220_8089621610146078990_n.jpg?resize=880%2C587&ssl=1)
ကမ္ဘောဒီးယားဝန်ကြီးချုပ်ဟောင်းဟွန်ဆန်က အာဏာသိမ်းခေါင်းဆောင်နှင့် မေ ၇ ရက်တွင်ဗီဒီယိုခေါ်ဆိုမှု တွေ့ဆုံခဲ့မှုမှတ်တမ်းဓာတ်ပုံများကို သူ၏ဖေ့စ်ဘွခ်တ်လူမှုကွန်ရက်တွင်ဖော််ပြအသိပေးခဲ့ပြီး ကမ္ဘောဒီးယားက အထူးသံတမန်ကို စေလွှတ်လိမ့်မည်ဟု သိရသည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
ကမ္ဘောဒီးယားနိုင်ငံခေါင်းဆောင်အဖြစ် ဆယ်စုနှစ်လေးခုနီးပါးအုပ်ချုပ်ခဲ့သော အာဏာရှင် ဟွန်ဆန်သည် ၎င်း၏
![(ဟွန်ဆန်နှင့် အာဏာသိမ်းခေါင်းဆောင်တို့ မေ ၇ ရက်တွင် အွန်လိုင်းမှတွေ့ဆုံစဥ်။ဓါတ်ပုံ-ဟွန်ဆန်ဖေစ်ဘွခ်)](https://i0.wp.com/www.ludunwayoo.com/wp-content/uploads/2024/05/441151960_775999151265546_2572084963409666481_n.jpg?resize=880%2C587&ssl=1)
သားဖြစ်သူကို ဝန်ကြီးချုပ်ခန့်အပ်ကာ လက်ရှိတွင် ကမ္ဘောဒီးယားအထက်လွှတ်တော်ဥက္ကဌအဖြစ် တာဝန်ယူနေသည်။ သို့သော် စစ်အာဏာသိမ်းမှုအပြီး ဖြစ်ပေါ်လာသော ပဋိပက္ခကြားဝင်စေ့စပ်ရေးအတွက် ဟွန်ဆန်က တရားဝင်ရာထူးယူထားခြင်းမရှိပေ။
![(ဟွန်ဆန်နှင့် အာဏာသိမ်းခေါင်းဆောင်တို့ မေ ၇ ရက်တွင် အွန်လိုင်းမှတွေ့ဆုံစဥ်။ဓါတ်ပုံ-ဟွန်ဆန်ဖေစ်ဘွခ်)](https://i0.wp.com/www.ludunwayoo.com/wp-content/uploads/2024/05/438146458_775999197932208_5541247966992152433_n.jpg?resize=880%2C587&ssl=1)
ထိုအခြေအနေတွင် ဟွန်ဆန်က မည်သည့်အတွက်ကြောင့် ဒေါ်အောင်ဆန်းစုကြည်နှင့်တွေ့ဆုံခွင့်ရရန် ခွင့်တောင်းသည်ကို ရှင်းရှင်းလင်းလင်းမသိရသေးပေ။
ဟွန်ဆန်သည် ကမ္ဘောဒီးယားဝန်ကြီးချုပ်နှင့် အာဆီယံအလှည့်ကျဥက္ကဌ တာဝန်ယူချိန် ၂၀၂၂ ဇန်နဝါရီတွင် နေပြည်တော်သို့ လာရောက်ကာ စစ်ခေါင်းဆောင်နှင့်တွေ့ဆုံခဲ့သော်လည်း နေပြည်တော်၌ စစ်အုပ်စု၏ ဖမ်းဆီးချုပ်နှောင်ခံထားရသူ ဒေါ်အောင်ဆန်းစုကြည်နှင့်တွေ့ဆုံခွင့်မပြုခဲ့ပေ။
ကိုးကား – ရိုက်တာ
![](https://i1.wp.com/ludunwayoo.com/wp-content/uploads/2021/08/banner-logo1-50px.png)