သတင်း
ယမန်နေ့တိုက်ပွဲအတွင်း ရန်သူဘက်မှ ဗိုလ်မှူး တစ်ဦး၊ ဗိုလ်ကြီး တစ်ဦး အပါအဝင် စုစုပေါင်း ၁၅ဦး သေဆုံး၊ ၂၁ဦး ဒဏ်ရာရရှိခဲ့ကြောင်း ကော်ဘရာစစ်ကြောင်းက ထုတ်ပြန်ပြီး လက်နက်ခဲယမ်းများ သိမ်းဆည်းရရှိခဲ့သည်ဟု အသိပေးသည်။
Hi, what are you looking for?
ယမန်နေ့တိုက်ပွဲအတွင်း ရန်သူဘက်မှ ဗိုလ်မှူး တစ်ဦး၊ ဗိုလ်ကြီး တစ်ဦး အပါအဝင် စုစုပေါင်း ၁၅ဦး သေဆုံး၊ ၂၁ဦး ဒဏ်ရာရရှိခဲ့ကြောင်း ကော်ဘရာစစ်ကြောင်းက ထုတ်ပြန်ပြီး လက်နက်ခဲယမ်းများ သိမ်းဆည်းရရှိခဲ့သည်ဟု အသိပေးသည်။
စစ်ကောင်စီတပ်အနေဖြင့် လေကြောင်းတိုက်ခိုက်မှုမှအပ မြေပြင်စစ်ရေးတွင် ထိရောက်စွာ ဆောင်ရွက်နိုင်ခြင်းမရှိဟု သတင်းရင်းမြစ်က သုံးသပ်သည်။
လက်ခတ်တောင်တိုက်ပွဲတွင် စစ်ကောင်စီတပ်ဖွဲ့ဝင်အချို့လက်နက်ကြီး၊ လက်နက်ငယ်များ ယူဆောင်လာပြီး အလင်းဝင်လာခြင်းများရှိကြောင်း ဓာတ်ပုံနှင့်တကွ ကော်ဘရာစစ်ကြောင်းက ထုတ်ပြန်ထားသည်။
လက်ခတ်တောင်ဒေသည် စစ်ရေးအရ အရေးပါသည့်ဒေသဖြစ်ပြီး ယင်းဒေသတိုက်ပွဲတွင် တပ်မဟာ(၆) KNU/KNLA၊ ကော်ဘရာစစ်ကြောင်း(၁)၊ ကျားသစ်နက်စစ်ကြောင်း၊ Federal Wings ၊ ရောင်နီ စသည့်ပူးပေါင်းတပ်ဖွဲ့များက စစ်ကောင်စီတပ်ကို တိုက်ခိုက်နေခြင်းဖြစ်သည်။
လတ်တလော မြ၀တီလမ်းပိုင်း၌ တောင်ကျရေကြောင့် လမ်းတံတားများ ပျက်စီးနေခြင်းကြောင့် တော်လှန်ရေးအင်အားစုများအတွက် စစ်ရေးပိုင်းပိုမိုအားသာစေသည်ဟုလည်း KNU သတင်းရင်းမြစ်က ပြောသည်။
KNUပူးပေါင်းတပ်များက တိုက်ခိုက်သိမ်းယူထားသော လက်ခတ်တောင်စခန်းကုန်းအား ပြန်လည်တိုက်ခိုက်ရန် စစ်ကောင်စီ၏ တပ်မ(၄၄)လက်အောက်ခံများဖြစ်သည့် ခမရ(၁၁၈)၊ လ(၈)၊ မ(၉)၊ မ(၂)တို့သည် လက်နက်ကြီးပစ်ကူများဖြင့် စစ်ကြောင်းထိုးကြိုးစားခဲ့ခြင်းဖြစ်သည်ဟု ဆိုသည်။
စစ်ကောင်စီတပ်နှင့် KNLA ပူးပေါင်းတပ်တို့ အပြန်အလှန်ပစ်ခတ်မှုအတွင်း အရပ်သားပြည်သူ တစ်ဦးသေဆုံးခဲ့ပြီး အမျိုးသားတစ်ဦးလည်း ဒဏ်ရာရခဲ့ကြောင်း သိရသည်။ ယနေ့(ဇူလိုင် ၂၅ ရက်)တွင် နှစ်ဖက်ထိတွေ့ပစ်ခတ်မှုများ ဆက်လက်ဖြစ်ပွားနေသည်ဟု ဆိုသည်။
အဆိုပါ လက်ခတ်တောင် တာဝါတိုင်စခန်းကုန်းအား ဇူလိုင် ၂၀ရက်နံနက်တွင် ဝင်ရောက်တိုက်ခိုက်ခဲ့ရာ ၂၅နာရီခန့်အကြာတွင် စခန်းသိမ်းပိုက်နိုင်ခဲ့သည်ဟု တိုက်ပွဲ၌ ပါဝင်သည့် ကော်ဘရာ စစ်ကြောင်းက သတင်းထုတ်ပြန်ထားသည်။
လက်ခတ်တတောင်တာဝါတိုင်စခန်းကုန်းအား ကော်ဘရာစစ်ကြောင်းပါဝင်သည့် ကရင်အမျိုးသားအစည်းအရုံး(KNU/KNLA) ဦးဆောင်သည့် ပူးပေါင်းတပ်ဖွဲ့က ဇူလိုင် ၂၀ရက်တွင် စတင် တိုက်ခိုက်ခဲ့ရာ ၂၅နာရီခန့်အကြာ ဇူလိုင် ၂၁ရက် နံနက်တွင် သိမ်းပိုက်နိုင်ခဲ့သည်။
စစ်ကောင်စီတပ်ဘက်မှ ဗိုလ်ကြီးနှစ်ဦးအပါအဝင် သေဆုံးထိခိုက်မှု များပြားခဲ့ပြီး အရာရှိများသေဆုံးပြီးနောက်တွင် စခန်းစွန့်ခွာ ထွက်ပြေးမှုများ ဖြစ်ပေါ်ခဲ့ခြင်းကြောင်း အဆိုပါ သတင်းရင်းမြစ်က ရှင်းပြသည်။