၂၀၁၉ ခုနှစ်ကပြုလုပ်ခဲ့တဲ့ ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးဟောပြောပွဲတွေမှာ သူ့ရဲ့ ပြောဆိုချက်တွေဟာ စစ်ခေါင်းဆောင်တွေကိုဂုဏ်သိက္ခာကျစေတယ်ဆိုပြီး သူဟောပြောခဲ့တဲ့ မြို့နယ် ၄ ခုမှာ ပုဒ်မ ၅၀၅(က)နဲ့ စွဲဆိုခံရတာပါ။
ရန်ကုန်မြို့၊အင်းစိန်ထောင်နဲ့ တနင်္သာရီတိုင်း၊ ကော့သောင်းထောင်တို့မှာ ၃ နှစ်ကျော်နေထိုင်ခဲ့ရပြီး ပြန်လည် လွတ်မြောက်လာခဲ့ပါတယ်။ နေအိမ်ရှေ့မှာ စစ်ကောင်စီတပ်ရဲ့စောင့်ကြည့်ခံရမှုကြားကနေ ရန်ကုန်မြို့ပြပြောက်ကျားတပ်ဖွဲ့ဝင်လူငယ်တွေက ၄ လကြာ အစီအစဉ်ဆွဲပြီး ဘေးကင်းလုံခြုံတဲ့နေရာကို ပို့ဆောင်ပေးခဲ့တယ်လို့ သူကပြောပါတယ်။
အာဏာသိမ်းပြီး ၂ နှစ်ကျော်မှ ပြန်လွတ်လာတဲ့ နိုင်ငံရေးတက်ကြွသူဗိုလ်ကြီးဟောင်းနေမျိုးဇင်ကို လက်ရှိနွေဦးတော်လှန်ရေးအပေါ် အမြင်၊ စစ်ကောင်စီတပ်ထဲက သူ့ရဲ့မိတ်ဆွေဟောင်းတွေအတွက် သတင်းစကားနဲ့ သူ့ရဲ့ အတွေ့အကြုံ တွေကို Myanmar Now က တွေ့ဆုံမေးမြန်းထားပါတယ်။
