အသက် ၇၆ နှစ်အရွယ် ဒေါ်တုတ်တိုဟာ စစ်ကောင်စီတပ်ရဲ့ လက်နက်ကြီးပစ်ခတ်မှုကြောင့် အသက်ရှင်ကျန်ရစ်ခဲ့ပေမယ့် နားနှစ်ဖက်စလုံး အသံသဲသဲကွဲကွဲ မကြားနိုင်တော့တဲ့အထိ ထိခိုက်ခဲ့ပါတယ်။ ပဲခူးတိုင်း၊ ဖြူးမြို့နယ် ငတိုးခင်ကျေးရွာမှာ တစ်သက်လုံး အေးအေးချမ်းချမ်း နေထိုင်ခဲ့သူဖြစ်ပေမယ့် အသက်အရွယ်ကြီးမှ စစ်အာဏာသိမ်းမှုနောက်ဆက်တွဲ ဆိုးကျိုးကို ကိုယ်တိုင်ကြုံတွေ့ရတာပါ။
ငတိုးခင်ကျေးရွာအပါအဝင် ဖြူးမြို့နယ်အတွင်း ကျေးရွာ ၁၉ ရွာက ဒေသခံတွေဟာ လက်နက်ကြီး၊ လေကြောင်းနဲ့ ဒရုန်းတိုက်ခိုက်မှုတွေကြောင့် နေအိမ်တွေကို စွန့်ခွာပြီး စစ်ဘေးရှောင်နေရပါတယ်။ အိမ်ထောင်စု ၁,၇၀၀ ကျော်၊ လူဦးရေ ၇,၀၀၀ ကျော်ဟာ ကိုယ့်ရွာကို မပြန်နိုင်သေးဘဲ နေ့စဉ်စားဝတ်နေရေးအတွက် ခက်ခက်ခဲခဲ ရုန်းကန်ရှင်သန်နေကြရပါတယ်။
ကံကောင်းလို့ အသက်ရှင်ခဲ့ပေမယ့် ဒေါ်တုတ်တိုအတွက်တော့ အဲဒီညရဲ့ ကြောက်ရွံ့မှုက ဒီနေ့အထိ မပျောက်သေးပါဘူး။ အဘွားအိုတစ်ယောက်ရဲ့ တိုက်ပွဲအတွေ့အကြုံနဲ့ စိတ်ဒဏ်ရာကို ဒီရုပ်သံမှာ ကြည့်ရှုနိုင်ပါတယ်။
ကိုလှိုင်း/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် /qurium/myanmar-now.org/mm-members.html တွင် ကူညီနိုင်ပါသည်။
