3 nəfərin xəstəxanaya yerləşdirildiyi bildirilir
İspaniyada Qatar qəzası olub.
Hadisə Kataloniya bölgəsində olub və qəzada 4 nəfər həyatını itirib.
Fövqəladə hallar xidmətinin bildirdiyinə görə, Barselona yaxınlığında 7 nəfər dəmir yolu relslərini keçmək istəyib.
Nəticədə onların 4-ü qatarın altında qalıb.
Yeddi nəfərin yolu keçmək istədiyi həmin yer qadağan olunmuş ərazi sayılırmış.
Bildirilir ki, hadisə nəticəsində vurulan dörd nəfərin üçü hadisə yerində həyatını itirib, dördüncü şəxs isə ürək-tənəffüs problemi ilə xəstəxanaya çatdırılıb, orada ölüb.
Qəza zamanı yol keçən üç nəfər isə xəsarət alaraq xəstəxanaya yerləşdirilib.
Onların müalicəsi davam edir.
