Dənizə yıxılan elektrik quraşdırıcısı ilə qaynaqçı hələ tapılmayıb
Avqustun 24-də səhər saatlarında SOCAR-ın iki işçisinin açıq dəniz sahəsinə yıxılaraq itkin düşdüyü bildirilir.
Hadisə “Azneft” İB-nin “N.Nərimanov” NQÇİ-nin 3 saylı Neft Yığımı Məntəqəsində baş verib.
Neftçilərin Hüquqlarını Müdafiə Təşkilatının sədri Mirvari Qəhrəmanlının Meydan TV-yə verdiyi məlumata görə, obyektdə tikinti quraşdırma işləri aparılarkən dəmir-beton pilitənin qırılması nəticəsində polad və dəmir-beton konstruksiyaların quraşdırılması üzrə quraşdırıcısı 63 yaşlı Şirvan Ataş oğlu Ağammədov və elektrik qaynaqçısı, 39 yaşlı Şamo Mətləb oğlu Nərimanov dənizə düşüblər.
SOCAR məsələ ilə bağlı açıqlama yaymayıb.
